അടിമലത്തുറ ഗോഡ്‌സ് പ്രീഷ്യസ് എഡ്യുക്കേഷണല്‍ & കള്‍ച്ചറല്‍ സെന്‍റര്‍ വാര്‍ഷികത്തിന് തനിനിറം സീനിയര്‍ റിപ്പോര്‍ട്ടര്‍ ശ്യാം വെണ്ണിയൂരിനെ ആദരിച്ചു. തനിനിറത്തിനായി ചിന്നക്കനാലിലെ കാട്ടാന ആക്രമണം, കോവളം കടലിനുളളിലെ ഉടയന്‍വാഴി എന്നീ വീഡിയോ റിപ്പോര്‍ട്ടുകള്‍ അതിസാഹസികമായി ശ്യാം തയ്യാറാക്കിയിരുന്നു. അടിമലത്തുറ ഇടവക വികാരി റവ.ഫാ.ഇ.വില്‍ഫ്രഡ് ഉദ്ഘാടനം ചെയ്ത ചടങ്ങില്‍ സോമതീരം ഡയറക്ടര്‍ ബേബി മാത്യു മുഖ്യപ്രഭാഷണം നടത്തി.
തൈക്കാട് ഇടവക വികാരി റവ.ഫാ.സ്റ്റാന്‍സിലാവൂസിനെയും ചടങ്ങില്‍ ആദരിച്ചു. കോവളം റ്റി.എന്‍.സുരേഷ് (കോവളം, ടൂറിസം പ്രൊട്ടക്ഷന്‍ പ്രസിഡണ്ട്‌, ജോര്‍ജ് സെന്‍ (അദാനി ഫൗണ്ടേഷന്‍), കാര്‍ത്തികേയന്‍ (ഫിഷറീസ് ഓഫീസര്‍), രവീന്ദ്രന്‍.എസ്. (റിട്ട.ജയില്‍ സൂപ്രണ്ട്), ലെനി ആന്റണി (അദ്ധ്യാപിക) എന്നിവര്‍ ചടങ്ങില്‍ സന്നിഹിതരായിരുന്നു. തുടര്‍ന്ന് കുട്ടികളുടെ കലാപരിപാടികളും സംഘടിപ്പിച്ചു.
