- Advertisement -
കട്ടപ്പന (Kattappana) : യുവാവിനെ വാഹന പാർക്കിങ്ങിനെച്ചൊല്ലിയുള്ള തർക്കത്തെത്തുടർന്ന് കാർ കയറ്റി കൊല്ലാൻ ശ്രമം. കട്ടപ്പന സ്വദേശി ക്രിസ്റ്റോ മാത്യുവിന് (27) ഗുരുതരമായി പരിക്കേറ്റു. ഒൻപത് വാരിയെല്ലുകൾ പൊട്ടി. ശ്വാസകോശത്തിനും ക്ഷതമുണ്ട്.
ഞായറാഴ്ച രാത്രി 11-ന് ഇടശേരി ജങ്ഷനിലാണ് സംഭവം. ക്രിസ്റ്റോ മാത്യുവും ഇടശേരി ജങ്ഷനിലുണ്ടായിരുന്ന ഒരു സംഘം യുവാക്കളുമായാണ് തർക്കമുണ്ടായത്. പിന്നീട് ക്രിസ്റ്റോ സെൻട്രൽ ജങ്ഷനിലേക്ക് ബൈക്കിൽ പോയി. കാറിൽ പിന്നാലെയെത്തിയ സംഘം, ക്രിസ്റ്റോയെ ഇടിച്ചുവീഴ്ത്തി. റോഡിലേക്ക് തെറിച്ചുവീണ യുവാവിന്റെ ദേഹത്തുകൂടി കാർ കയറ്റുകയായിരുന്നു.
