യുപിയിലെ സീതാപൂരില്‍ ഒരേ കുടുംബത്തിലെ 6 പേര്‍ മരിച്ചു.അമ്മയെയും ഭാര്യയെയും മക്കളെയും യുവാവ് ക്രൂരമായി കൊലപ്പെടുത്തിയെന്നാണ് റിപ്പോര്‍ട്ട്. പ്രതി അമ്മയെ വെടിവച്ചു കൊല്ലുകയും ഭാര്യയെ ചുറ്റിക കൊണ്ട് അടിച്ച് കൊലപ്പെടുത്തുകയും ചെയ്തു. മഥുര പോലീസ് സ്റ്റേഷന്‍ പരിധിയിലെ പല്‍ഹാപൂര്‍ ഗ്രാമത്തിലാണ് സംഭവം.
അമ്മയേയും ഭാര്യയേയും കൊലപ്പെടുത്തിയ ശേഷം പ്രതി തന്റെ മൂന്ന് മക്കളെയും വീടിന്റെ മേല്‍ക്കൂരയിലേക്ക് വലിച്ചെറിഞ്ഞു, വീഴ്ചയുടെ ആഘാതത്തില്‍ കുട്ടികളും മരിച്ചു. തുടര്‍ന്ന് പ്രതി വെടിയുതിര്‍ത്ത് ആത്മഹത്യ ചെയ്തു. പ്രതി മയക്കുമരുന്നിന് അടിമയാണെന്നും മാനസിക വിഭ്രാന്തിയുണ്ടെന്നുമാണ് പ്രാഥമിക റിപ്പോര്‍ട്ട്.
പലാപൂരില്‍ കര്‍ഷകനായ വീരേന്ദ്ര സിങ്ങിന്റെ മകന്‍ നാല്പത്തിയഞ്ചുകാരനായ അനുരാഗ് സിംഗ് ഇന്നലെ രാത്രിയാണ് കൊലപാതകം നടത്തിയത്. മാനസികമായി തകര്‍ന്ന അനുരാഗ് സിംഗ്, അമ്മ സാവിത്രി ദേവി (62), ഭാര്യ വീരേന്ദ്ര സിംഗ്, ഭാര്യ പ്രിയങ്ക സിംഗ് (40), മകള്‍ അശ്വി (12), മകന്‍ അനുരാഗ്, മകള്‍ അര്‍ണ (08) ആദ്വിക് (04) എന്നിവരെയാണ് കൊലപ്പെടുത്തിയത്. പോലീസ് സ്ഥലത്തെത്തി നിയമനടപടികള്‍ ആരംഭിച്ചു.
