തിരുവനന്തപുരം (Thiruvananthapuram) : കേന്ദ്രമന്ത്രി സുരേഷ് ഗോപിയുടെ എല്ലാ പൊതുപരിപാടികളും ഏതാനും ദിവസത്തേക്ക് റദ്ദാക്കിയതായി അദ്ദേഹത്തിന്റെ ഓഫീസ് അറിയിച്ചു. (All public events of Union Minister Suresh Gopi have been canceled for a few days, his office said.).
കടുത്ത അണുബാധയെ തുടർന്നുണ്ടായ ശാരീരികാസ്വാസ്ഥ്യങ്ങളെ തുടർന്ന് അദ്ദേഹം വിദഗ്‌ധ ചികിത്സയിലാണ്. ഡോക്ടർമാർ കർശനമായ വിശ്രമം നിർദ്ദേശിച്ചിരിക്കുകയാണ്. നാല് ദിവസത്തേക്ക് യാത്ര ചെയ്യരുതെന്നും നിർദ്ദേശമുണ്ട്.
തുടർന്നാണ് ഔദ്യോഗിക പരിപാടികൾ റദ്ദാക്കാനുള്ള തീരുമാനത്തിലേക്ക് എത്തിച്ചേർന്നത്. ഈ മാസം 19 വരെ നിശ്ചയിച്ചിരുന്ന പരിപാടികളാണ് റദ്ദാക്കിയതെന്ന് സുരേഷ് ഗോപിയുടെ ഓഫീസ് അറിയിച്ചു.
