- Advertisement -
ന്യൂഡല്‍ഹി : ബോംബെ സ്റ്റോക്ക് എക്‌സ്‌ചേഞ്ചിനു (ബിഎസ്ഇ) ബോംബ് ഭീഷണി. ഇ-മെയില്‍ വഴിയാണ് ഭീഷണി സന്ദേശം ലഭിച്ചത്. ‘കോമ്രേഡ് പിണറായി വിജയന്‍’ എന്ന മെയില്‍ ഐഡിയില്‍നിന്നാണ് ഭീഷണി ലഭിച്ചതെന്ന് വാര്‍ത്താ ഏജന്‍സിയായ എഎന്‍ഐ റിപ്പോര്‍ട്ട് ചെയ്തു.
നാല് ബോംബുകള്‍ കെട്ടിടത്തില്‍ സ്ഥാപിച്ചിട്ടുണ്ടെന്നും ഇന്ന് മൂന്നു മണിക്ക് പൊട്ടുമെന്നുമാണ് സന്ദേശത്തിലുള്ളത്. ബോംബ് സ്‌ക്വാഡും പൊലീസും സ്ഥലത്തെത്തി പരിശോധന ആരംഭിച്ചു. സംശയകരമായ വസ്തുക്കള്‍ കണ്ടെത്തിയിട്ടില്ല. പൊലീസ് കേസെടുത്ത് അന്വേഷണം ആരംഭിച്ചു.
