ഇടുക്കി: വീടിന്റെ ജപ്തി നടപടിക്കിടെയില്‍ തീകൊളുത്തി ആത്മഹത്യക്ക് ശ്രമിച്ച വീട്ടമ്മ മരിച്ചു. ഇടുക്കി നെടുങ്കണ്ടം ആശാരികണ്ടം സ്വദേശി ദിലീപിന്റെ ഭാര്യ ഷീബയാണ് (49) മരണപ്പെട്ടത്. ശരീരത്തില്‍ ഗുരുതരമായി പൊളളലേറ്റ ഷീബ കോട്ടയം മെഡിക്കല്‍ കോളജില്‍ ചികിത്സയിലിരിക്കെ മരിച്ചത്. സൗത്ത് ഇന്ത്യന്‍ ബാങ്കില്‍ നിന്നെടുത്ത വായ്പ തിരിച്ചടക്കാത്തതിലാണ് ജപ്തി നടപടികളുമായി ബാങ്ക് മുന്നോട്ട് വന്നത്.
വെള്ളിയാഴ്ച ഉച്ചയ്ക്കാണ് ബാങ്ക് അധികൃതരെത്തി ജപ്തി നടപടികള്‍ ആരംഭിച്ചത്. പെട്ടെന്നാണ് ഷീബ ദേഹത്ത് പെട്രോള്‍ ഒഴിച്ച് തീ കൊളുത്തിയത്.. 90 ശതമാനം പൊള്ളലേറ്റ ഷീബയെ താലൂക്ക് ആശുപത്രിയില്‍ എത്തിച്ച് പ്രാഥമിക ചികിത്സ നല്‍കിയ ശേഷം കട്ടപ്പനയിലെ സ്വകാര്യ ആശുപത്രിയിലെത്തിച്ചു. ഗുരുതരാവസ്ഥയിലായിരുന്ന ഷീബയെ പിന്നീട് കോട്ടയം മെഡിക്കല്‍ കോളജിലേക്ക് മാറ്റിയെങ്കിലും ചികിത്സയിലിരിക്കെ മരിക്കുകയായിരുന്നു. ഷീബയെ രക്ഷിക്കാന്‍ ശ്രമിച്ച രണ്ട് പോലീസ് ഉദ്യോഗസ്ഥര്‍ക്കും സാരമായി പൊളളലേറ്റു.
വീടിന്റെ ജപ്തി നടപടിക്കിടെ തീകൊളുത്തി ആത്മഹത്യക്ക് ശ്രമിച്ച വീട്ടമ്മ മരിച്ചു
Written by Taniniram
Published on:
