കണ്ണൂർ (Kannoor) : മുഖ്യമന്ത്രി പിണറായി വിജയനും ആഭ്യന്തര വകുപ്പിനുമെതിരെ രൂക്ഷ വിമർശനവുമായി കെ.പി.സി.സി പ്രസിഡന്റ് കെ. സുധാകരൻ. പിണറായിയെ ഭീകര ജീവി എന്നാണ് കെ. സുധാകരൻ വിശേഷിപ്പിച്ചത്.
ഈ മുഖ്യമന്ത്രിയെ വെച്ച് ഒരു ദിവസം പോലും മുന്നോട്ടുപോകാനാകില്ലെന്നും പിണറായിയെ ജനങ്ങൾ തന്നെ പുറത്താക്കുമെന്നും സുധാകരൻ പറഞ്ഞു. ഞാൻ, എന്റെ കുടുംബം, എന്റെ സമ്പത്ത് എന്നത് മാത്രമാണ് മുഖ്യമന്ത്രിയുടെ ലക്ഷ്യം.
ഈ നാട്ടിലെ ജീവിതങ്ങളുടെ ഹൃദയത്തുടിപ്പ് മനസിലാക്കാൻ പോലും അറിയാത്ത ഒരു ഭീകരജീവിതമാണ് തന്റെ നാട്ടുകാരനായ പിണറായി വിജയൻ. പൊലീസുകരെ നിയന്ത്രിക്കാൻ കഴിയാത്ത മുഖ്യമന്ത്രിയാണിത്. ചക്കിക്കൊത്ത ചങ്കരൻ എന്ന പോലെയാണ് മുഖ്യമന്ത്രിയുടെ പൊലീസുകാരെന്നും സുധാകരൻ ആരോപിച്ചു.
