പുന്നമടക്കായലിൽ ഇന്ന് എഴുപതാമത് നെഹ്‌റു ട്രോഫി വള്ളംകളി. ആവേശം വിതറാൻ 72 കളിവള്ളങ്ങൾ

ആലപ്പുഴ: എഴുപതാമത് നെഹ്‌റു ട്രോഫി വള്ളംകളി (Nehru Trophy Boat Race) ഇന്ന് നടക്കും. ടൂറിസം മന്ത്രി മുഹമ്മദ് റിയാസ് വള്ളംകളി ഉദ്ഘാടനം ചെയ്യും. ഓഗസ്റ്റ് 10ന് നടക്കേണ്ട വള്ളംകളി വയനാട് ദുരന്തത്തെ തുടര്‍ന്ന് ഒന്നര മാസത്തോളം വൈകിയാണ് നടത്തുന്നത്.19 ചുണ്ടന്‍ വള്ളങ്ങള്‍ അടക്കം 72 കളിവള്ളങ്ങള്‍ മത്സരത്തില്‍ പങ്കെടുക്കും. രാവിലെ പതിനൊന്നു മണി മുതല്‍ ചെറുവള്ളങ്ങളുടെ മത്സരം തുടങ്ങും. ഉച്ചക്ക് ശേഷമാണു ചുണ്ടന്‍ വള്ളങ്ങളുടെ മത്സരങ്ങള്‍. അഞ്ച് ഹീറ്റ്‌സുകളിലായാണ് ചുണ്ടന്‍വള്ളങ്ങളുടെ മത്സരം. തുടര്‍ച്ചയായ അഞ്ചാം വിജയത്തിനായാണ് പള്ളാത്തുരുത്തി ബോട്ട് ക്ലബ് എത്തുന്നത്.