കുട്ടികളുടെ സുരക്ഷിത യാത്രക്ക് കര്‍ശന നടപടിയുമായി മോട്ടോര്‍ വാഹന വകുപ്പ്. കാറുകളില്‍ 4 നും 14 നും ഇടയില്‍ പ്രായമുള്ള കുട്ടികള്‍ക്ക് പ്രത്യേക സീറ്റ് നിര്‍ബന്ധമാക്കി. കുട്ടികളുടെ പ്രായവും പൊക്കവും അനുസരിച്ചുള്ള കുഷ്യന്‍ മാതൃകയിലെ സീറ്റാണ് എംവിഡി നിര്‍ദ്ദേശിക്കുന്നത്. അതില്‍ സീറ്റ് ബെല്‍റ്റ് ഘടിപ്പിക്കണം.
4 വയസിൽ താഴെയുള്ള കുഞ്ഞുങ്ങൾക്കും പ്രത്യേക സംവിധാനം നിർബന്ധമാക്കി. കുട്ടികളുടെ യാത്ര പിൻസീറ്റിൽ മാത്രമെന്നുമാണ് തീരുമാനം. ഈ മാസം സമൂഹമാധ്യമങ്ങളിലൂടെയും അടുത്ത മാസം റോഡിൽ വാഹനം തടഞ്ഞ് നിർത്തിയും ബോധവൽക്കരണം നടത്തും.
തുടർന്ന് ഡിസംബർ മുതൽ പിഴയീടാക്കാമെന്നും ഗതാഗത കമ്മീഷണർ അറിയിച്ചു.
