ശബരി സ്പെഷ്യൽ ട്രെയിൻ…..

കൊല്ലം: ശബരിമല തീർഥാടക തിരക്ക് പരിഗണിച്ച് ചെന്നൈ എഗ്മോർ – കൊല്ലം റൂട്ടിൽ സ്പെഷ്യൽ ട്രെയിൻ പ്രഖ്യാപിച്ച് ദക്ഷിണ റെയിൽവേ. നാല് സർവീസുകളാണ് നിലവിൽ പ്രഖ്യാപിച്ചിരിക്കുന്നത്. നേരത്തെ പ്രഖ്യാപിച്ച ശബരി ട്രെയിനുകൾക്കെല്ലാം മികച്ച പ്രതികരണമാണ് ലഭിച്ചത്. ഇതോടെയാണ് റൂട്ടിൽ വീണ്ടും സ്പെഷ്യൽ സർവീസുകൾ നടത്തുന്നത്. ഇന്ന് രാത്രിയും (ഡിസംബർ 22) ഞായറാഴ്ച (ഡിസംബർ 24) രാത്രിയുമാണ് ചെന്നൈയിൽനിന്ന് കൊല്ലത്തേക്കുള്ള സർവീസുകൾ. മടക്കയാത്ര 23, 25 തീയതികളിലാണ്.