ശ്രീരാമ ഭക്തരുടെ കാത്തിരിപ്പിനൊടുവില്‍ അയോധ്യയിലെ രാമക്ഷേത്രത്തില്‍ സ്ഥാപിക്കുന്ന ശ്രീരാമവിഗ്രഹത്തിന്റെ ചിത്രങ്ങള്‍ പുറത്ത് വന്നു. രാമക്ഷേത്ര ട്രസ്റ്റ് ജനറല്‍ സെക്രട്ടറി ചമ്പത് റായിയാണ് ചിത്രങ്ങള്‍ പുറത്ത് വിട്ടത്. ശ്രീരാമന്റെ വിഗ്രഹം അഞ്ച് വയസ്സുള്ള കുട്ടിയുടെ (രാം ലല്ല) രൂപത്തിലാണ്. ഇരുണ്ട നിറമുള്ള കല്ല് ഉപയോഗിച്ചാണ് ഇത് നിര്‍മ്മിച്ചിരിക്കുന്നത്, 51 ഇഞ്ച് ഉയരമുണ്ട്.
കറുത്ത കല്ലുകൊണ്ട് നിര്‍മ്മിച്ചതാണ് ആരെയും ആകര്‍ഷിക്കുന്ന ശ്രീരാമ വിഗ്രഹം.
ശ്രീരാമ സഹോദരങ്ങളുടെയും സീതയുടെയും ഹനുമാന്റെയും വിഗ്രഹങ്ങള്‍ മഹാക്ഷേത്രത്തിന്റെ ഒന്നാം നിലയില്‍ സ്ഥാപിക്കും, എന്നാല്‍ ഇതിന് ഇനിയും എട്ട് മാസം സമയമെടുക്കും. കര്‍ണാടകയിലെ പ്രശസ്ത ശില്‍പി അരുണ്‍ യോഗിരാജാണ് മനോഹരമായ രാം ലല്ല കല്ലില്‍ കൊത്തിയെടുത്തത്. വിഗ്രഹം ജനുവരി 22 ന് അയോധ്യയിലെ രാമക്ഷേത്രത്തില്‍ സ്ഥാപിക്കും.
എല്ലാ വര്‍ഷവും ചൈത്രമാസത്തിലെ ശുക്ലപക്ഷത്തിലെ ഒമ്പതാം തിഥിയായ രാമനവമി ദിനത്തില്‍ സൂര്യഭഗവാന്‍ തന്നെയാകുന്ന തരത്തില്‍ ഇന്ത്യയിലെ പ്രമുഖ ബഹിരാകാശ ശാസ്ത്രജ്ഞരുടെ ഉപദേശപ്രകാരമാണ് ശ്രീരാമന്റെ വിഗ്രഹത്തിന്റെ നീളവും പ്രതിഷ്ഠയുടെ ഉയരവും രൂപകല്‍പന ചെയ്തിരിക്കുന്നത്. ഉച്ചയ്ക്ക് 12 മണിക്ക് സൂര്യരശ്മികള്‍ നേരിട്ട് ശ്രീരാമ വിഗ്രഹത്തിന്റെ നെറ്റിയില്‍ പതിക്കും.
ശാന്തമായ മുഖം , കണ്ണുകളിലെ നോട്ടം, പുഞ്ചിരി, ഉത്തമ ശരീരം എന്നിവയാണ് വിഗ്രഹത്തിന്റെ പ്രത്യേകത. വെള്ളവും പാലും നിത്യേന അഭിഷേകം ചെയ്താലും കല്ലിനെ ബാധിക്കാത്ത തരത്തിലാണ് നിര്‍മ്മിതി.
നിലവില്‍ വിഗ്രഹത്തിന്റെ കണ്ണുകള്‍ തുണികൊണ്ട് മൂടിയ നിലയിലാണ്. ജനുവരി 22-ന് നടക്കുന്ന സുപ്രധാനമായ പ്രാണ പ്രതിഷ്ഠാ ചടങ്ങില്‍ രാം ലല്ലയുടെ പ്രതിമയുടെ കണ്ണുകള്‍ പ്രധാനമന്ത്രി മോദി അനാച്ഛാദനം ചെയ്യും. തുടര്‍ന്ന് അദ്ദേഹം സ്വര്‍ണ്ണ സൂചികൊണ്ട് ഭഗവാന്റെ കണ്ണുകളില്‍ ‘കാജല്‍’ എഴുതും. തുടര്‍ന്ന്, സമര്‍പ്പണ പ്രക്രിയയിലെ പ്രതീകാത്മകവും പവിത്രവുമായ ഒരു കണ്ണാടി രാംലാലയ്ക്ക് സമര്‍പ്പിക്കും.
അയോധ്യയിലെ രാമക്ഷേത്ര ചടങ്ങ്
രാമക്ഷേത്രത്തിന്റെ മഹാപ്രതിഷ്ഠാ ചടങ്ങുകള്‍ ജനുവരി 22-ന് നടക്കും. ജനുവരി 22-ന് രാംലല്ലയുടെ പ്രതിഷ്ഠാ ചടങ്ങില്‍ പ്രധാനമന്ത്രി നരേന്ദ്ര മോദി അധ്യക്ഷത വഹിക്കും. ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്, ആര്‍എസ്എസ് മേധാവി മോഹന്‍ ഭഗവത് എന്നിവരും വേദി പങ്കിടും. കൂടാതെ രാജ്യത്തിന്റെ വിവിധ ഭാഗങ്ങളില്‍ നിന്നും ധാരാളം വിശിഷ്ട വ്യക്തികളും പങ്കെടുക്കും.
ശ്രീരാമ ജന്മഭൂമി തീര്‍ഥക്ഷേത്ര ട്രസ്റ്റ് 7,000-ത്തിലധികം ആളുകളെ ചടങ്ങിലേക്ക് ക്ഷണിച്ചിട്ടുണ്ട്..
ജനുവരി 14 മുതല്‍ അയോധ്യയിലെ ക്ഷേത്രങ്ങളില്‍ ഭജന, രാമായണ പാരായണം, രാമായണ പാരായണം, സുന്ദര്‍കാണ്ഡ് തുടങ്ങിയ പരിപാടികള്‍ സംഘടിപ്പിക്കുന്നുണ്ട്. പ്രാണ പ്രതിഷ്ടാ ചടങ്ങുകള്‍ രാജ്യത്തിന്റെ വിവിധ ഭാഗങ്ങളില്‍ തത്സമയം സംപ്രേക്ഷണം ചെയ്യും. ജനുവരി 23ന് രാമക്ഷേത്രം ഭക്തര്‍ക്കായി തുറക്കും.
