കൊച്ചി: കേരളത്തിന്റെ സ്വന്തം ആശാന്‍ കേരള ബ്ലാസ്റ്റേഴ്സ് മുഖ്യ പരിശീലകന്‍ ഇവാന്‍ വുക്കോമനോവിച്ച് ക്ലബ് വിട്ടു. കളിക്കാര്‍ക്കൊപ്പം കേരളത്തിലെ ഫുട്‌ബോള്‍ പ്രേമികള്‍ നെഞ്ചേറ്റിയ പരിശീലനാണ് അദ്ദേഹം. മൂന്ന് സീസണുകളില്‍ ബ്ലാസ്റ്റേഴ്സിനെ പരിശീലിപ്പിച്ച അദ്ദേഹം എല്ലാ സീസണിലും ടീമിനെ പ്ലേ ഓഫില്‍ എത്തിച്ചിരുന്നു.
വിവിധ പരിശീലകര്‍ പത്ത് സീസണുകളിലായി ബ്ലാസ്റ്റേഴ്സിനെ പരിശീലിപ്പിച്ചിട്ടുണ്ടെങ്കിലും ആരാധകര്‍ക്ക് ഏറ്റവും ഇഷ്ടപ്പെട്ടത് അദ്ദേഹത്തെ ആയിരുന്നു.സ്നേഹത്തോടെ മലയാളികള്‍ അദ്ദേഹത്തെ ആശാന്‍ എന്ന് വിളിക്കുകയും ചെയ്തിരുന്നു. ബ്ലാസ്റ്റേഴ്സ് ആരാധകരുമായി വലിയ അടുപ്പവും ആത്മബന്ധവും പുലര്‍ത്തുന്ന വ്യക്തികൂടിയായിരുന്നു അദ്ദേഹം. ടീമില്‍ മറ്റേതൊരു താരത്തിന് ലഭിക്കുന്നതിലും വലിയ ആരാധക പിന്തുണയും ആശാനായിരുന്നു. കഴിഞ്ഞ സീസണിലെ ക്ലബ്ബിന്റെ മോശം പ്രകടനമാണ് വുക്കോമനോവിച്ചിന്റെ മാറ്റത്തിനുളള കാരണമെന്നാണ് റിപ്പോര്‍ട്ടുകള്‍
