വിവാഹമോചനത്തിന് പല പല കാരണങ്ങൾ നമ്മൾ കേട്ടിട്ടുണ്ട്. എന്നാൽ ഇവിടെ വില്ലൻ കുർകുറെയാണ്. ഭർത്താവ് കുർ ക്കുറേ വാങ്ങി നൽകിയില്ല എന്ന കാരണം കൊണ്ട് ഭാര്യ വിവാഹ മോചനത്തിന് ഒരുങ്ങിയിരിക്കുകയാണ്. സംഭവം ഉത്തർപ്രദേശിലാണ് . വിവാഹം കഴിഞ്ഞിട്ട് ഒരു വർഷമേ ആകുന്നുള്ളു. അന്ന് മുതൽ പതിവായി തനിക്ക് കുറക്കുറേ വാങ്ങി തരണമെന്ന് ഭാര്യ ഭർത്താവിനോട് പറഞ്ഞിരുന്നു.
എന്നാൽ ഭാര്യ സ്ഥിരമായി കുർ ക്കുറേ കഴിച്ചു അതിനോടുള്ള ആസക്‌തി വർധിക്കുന്നത് ശ്രദ്ധയിൽപ്പെട്ട ഭർത്താവ് കുർക്കുറേ വാങ്ങാതെ ഒരു ദിവസം വീട്ടിലെത്തി. ഇതിനെത്തുടർന്ന് രണ്ടുപേരും വഴക്കിടുകയും ചെയ്തു. തുടർന്ന് ഭർത്താവുമായി പിണങ്ങി സ്വന്തം വീട്ടിലേക്ക് പോയ യുവതി പോലീസിനെ സമീപിച്ചു. വിവാഹമോചനം നൽകണമെന്ന് ആവശ്യപ്പെടുകയും ചെയ്തു. എന്നാൽ ഭർത്താവ് മർദിച്ചതിനെ തുടർന്നാണെന്നാണ് വീട് വിട്ടിറങ്ങിയത് എന്നാണ് യുവതിയുടെ ആരോപണം.
