കോട്ടയം: ട്രെയിനിന് അടിയിലേക്ക് വീണ് യുവാവിന് ദാരുണാന്ത്യം. കോട്ടയം പുതുപ്പള്ളി സ്വദേശി ദീപക് പുന്നൂസ് ജോർജ് (26) ആണ് മരിച്ചത്. കോട്ടയം റെയിൽവേ സ്‌റ്റേഷനിൽ ഇന്ന് പുലർച്ചെ അഞ്ചരയോടെയായിരുന്നു സംഭവം.
പൂനെ -കന്യാകുമാരി എക്സ്പ്രസിലായിരുന്നു യുവാവ് യാത്ര ചെയ്തത്. കോട്ടയത്ത് ഇറങ്ങിയപ്പോൾ കണ്ണടയെടുക്കാൻ മറന്നു. തിരികെ കയറി കണ്ണടയെടുത്ത് തിരിച്ചിറങ്ങുന്നതിനിടെ ട്രെയിൻ മുന്നോട്ടുനീങ്ങി. ചാടിയിറങ്ങിയപ്പോൾ ട്രെയിനിനടിയിലേക്ക് വീഴുകയായിരുന്നു.
ദീപക് പൂനെയിൽ ഹോട്ടൽ മാനേജ്‌മെന്റ് വിദ്യാർത്ഥിയായിരുന്നു. കോഴ്സ് പൂർത്തിയാക്കി തിരികെ വീട്ടിലേക്ക് മടങ്ങുന്നതിനിടയിലാണ് അപകടം. ശരീരം രണ്ടായി മുറിഞ്ഞുപോയെന്നാണ് റിപ്പോർട്ടുകൾ.
