പാലാ: യുവാവിനെ കൊലപ്പെടുത്താൻ ശ്രമിച്ച കേസിൽ ആലപ്പുഴ മാരാരിക്കുളം സ്വദേശികളായ മൂന്നു പേരെ പൊലീസ് അറസ്റ്റ് ചെയ്തു. തോപ്പുംപടി വീട്ടിൽ രജിത്ത് (42), ബ്ലാക്കിച്ചിറ വീട്ടിൽ എസ്. രതീഷ് (42), രഘുപതി ഭവനം വീട്ടിൽ ആർ. രതീഷ് (42) എന്നിവരെയാണ് അറസ്റ്റ് ചെയ്തത്.
ഇവർ കഴിഞ്ഞ ദിവസം രാത്രി പാലാ സ്വദേശിയായ യുവാവിനെ ചീത്ത വിളിച്ചത് യുവാവ് ചോദ്യം ചെയ്തിരുന്നു. തുടർന്ന് ഇവർ സംഘം ചേർന്ന് യുവാവിനെ മർദ്ദിക്കുകയും കല്ലുകൊണ്ട് തലക്കിടിക്കുകയുമായിരുന്നു. എസ്.എച്ച്.ഒ കെ.പി. ടോംസൺ, എസ്.ഐ വി.എൽ. ബിനു, സി.പി.ഒ മാരായ സുഭാഷ് വാസു, ജസ്റ്റിൻ ജോസഫ്‌, റെനീഷ് എന്നിവർ ചേർന്നാണ് ഇവരെ അറസ്റ്റ് ചെയ്തത്. കോടതിയിൽ ഹാജരാക്കി റിമാൻഡ് ചെയ്തു.
