തൃശൂര്‍ പൂരം കലങ്ങിയതിന് ശേഷം നടന്ന തിരുവമ്പാടി ദേവസ്വം യോഗത്തില്‍ സുരേഷ് ഗോപിയും പങ്കെടുത്തതായി മൊഴി. ബി.ഗോപാലകൃഷ്ണന്‍, വല്‍സന്‍ തില്ലങ്കരി എന്നിവരും സുരേഷ്‌ഗോപിക്കൊപ്പം വന്നുവെന്ന് തിരുവമ്പാടി ദേവസ്വം ജോയിന്റ് സെക്രട്ടറി പി.ശശിധരന്റെ മൊഴിയില്‍ പറയുന്നു. എഡിജിപി എം.ആര്‍.അജിത് കുമാറിന്റെ റിപ്പോര്‍ട്ടിലെ മൊഴിപകര്‍പ്പിലാണ്‌ വിശദാംശങ്ങളുളളത്‌. വെടിക്കെട്ട് നടത്തണമെന്ന് സുരേഷ് ഗോപി നിര്‍ദേശിച്ചുവെന്നും ദേവസ്വത്തിന്റെ തീരുമാനങ്ങള്‍ക്ക് ബിജെപി നേതാക്കള്‍ പിന്തുണ പ്രഖ്യാപിച്ചുവെന്നും അദ്ദേഹം വ്യക്തമാക്കി.
അട്ടിമറിച്ചത് തിരുവമ്പാടി ദേവസ്വമാണെന്നും ലോക്‌സഭ തിരഞ്ഞെടുപ്പില്‍ സര്‍ക്കാരിനെതിരായി ജനവികാരം തിരിച്ചുവിടുകയായിരുന്നു ലക്ഷ്യമെന്നുമായിരുന്നു എഡിജിപിയുടെ അന്വേഷണ റിപ്പോര്‍ട്ട്. തിരുവമ്പാടി ദേവസ്വം ഭാരവാഹികളായ സുന്ദര്‍മേനോന്‍, കെ.ഗിരീഷ്‌കുമാര്‍ ഉള്‍പ്പെടെയുള്ളവരാണ് ഇതിന് പിന്നിലെന്ന് പേരെടുത്ത് കുറ്റപ്പെടുത്തുന്നു
