കൊല്ലം : ടികെഎം എഞ്ചിനീയറിങ് കോളജ് വിദ്യാര്ത്ഥി തൃക്കടവൂര് മതിലില് കുന്നത്തുകിഴക്കതില് ഗോപിക (18) യാണ് മരിച്ചത്. കൊല്ലം റെയില്വേ സ്റ്റേഷന് സമീപം കെഎസ്ആര്ടിസി ബസ് സ്കൂട്ടറിലിടിച്ച് വിദ്യാര്ത്ഥിനിക്കു ദാരുണാന്ത്യം.
കൊല്ലത്ത് നിന്ന് തിരുവനന്തപുരത്തേക്ക് പോവുകയായിരുന്നു കെഎസ്ആര്ടിസി ബസ്. സൈക്കിള് യാത്രക്കാരനെ ഇടിക്കാതിരിക്കാന് വെട്ടിച്ചപ്പോള് ബസിന്റെ പിന്വശം സ്കൂട്ടറില് തട്ടി അപകടമുണ്ടായതെന്നാണ് നിഗമനം.
