തിരുവനന്തപുരം (Thiruvananthapuram) : തൊളിക്കോട് സ്‌കൂളി (Tolikode School) ന് സമീപം കാര്‍ ഇടിച്ച് ഇരുചക്ര യാത്രികന്‍ മരിച്ചു. പൊന്മുടിയില്‍ നിന്നും മടങ്ങിയ വന്ന സഞ്ചാരികളുടെ കാറിന്റെ നിയന്ത്രണം വിട്ടതാണ് അപകടത്തിനു കാരണം. വാഹനം ദമ്പതികള്‍ സഞ്ചരിക്കുകയായിരുന്ന സ്‌കൂട്ടറിലേക്ക് ഇടിച്ചു കയറുകയായിരുന്നു.
ഇന്നലെ വൈകിട്ട് മൂന്നര മണിയോടെ തൊളിക്കോട് സ്‌കൂളിന് സമീപത്തെ കൊടും വളവിലായിരുന്നു അപകടം. തോളിക്കോട് ആനപ്പെട്ടി പരപ്പാറ സ്വദേശി ജയപ്രകാശ്(52) ആണ് മരിച്ചത്. ഭാര്യ ബിന്ദുവിനെ മെഡിക്കല്‍ കോളേജില്‍ ചികിത്സയിലാണ്. പൊന്മുടിയില്‍ നിന്നും മടങ്ങി വന്ന തിരുവനന്തപുരം സ്വദേശികള്‍ സഞ്ചരിച്ച കാറാണ് എതിര്‍ ദിശയില്‍ വന്ന ഇരുചക്ര വാഹനത്തില്‍ ഇടിച്ചു കയറിയത്
