- Advertisement -
നിലയ്ക്കല്‍ : ശബരിമല തീര്‍ത്ഥാടകരുടെ വാഹനം നിയന്ത്രണം വിട്ട് മറിഞ്ഞ് നിരവധി പേര്‍ക്ക് പരിക്കേറ്റു. അപകടം നിലയ്ക്കല്‍ പാര്‍ക്കിംഗ് ഗ്രൗണ്ടില്‍ നിന്ന് ഇറങ്ങി വരുമ്പോഴായിരുന്നു. മിനി ബസാണ് നിയന്ത്രണം വിട്ട് മറിഞ്ഞത്.
അപകടത്തില്‍ 13 തീര്‍ത്ഥാടകര്‍ക്ക് പരിക്കേറ്റു. തമിഴ്‌നാട്ടില്‍ നിന്നുള്ള തീര്‍ത്ഥാടകരാണ് വാഹനത്തിലുണ്ടായിരുന്നത്. ഇതില്‍ രണ്ട് പേരുടെ നില ഗുരുതരമെന്നാണ് വിവരം.
ഇന്ന് രാവിലെ നാലരെയോടെയായിരുന്നു അപകടം. പരിക്കേറ്റവരെ കോട്ടയം മെഡിക്കല്‍ കോളേജ് ആശുപത്രിയിലേക്ക് കൊണ്ടുപോയി.
