- Advertisement -
കോഴിക്കോട്: ഫറോക്കിൽ പിടികൂടിയ വാഹനം ഇറക്കിക്കൊണ്ടുവരാൻ പോലിസ് സ്റ്റേഷനിൽ എത്തിയ ആളെ എംഡിഎംഎയുമായി പിടികൂടി. നല്ലളം ചോപ്പൻകണ്ടി സ്വദേശി അലൻ ദേവ്(22)നെയാണ് നല്ലളം ഇൻസ്പെക്ടർ സുമിത്ത് കുമാറും സംഘവും പിടികൂടിയത്.
ചൊവ്വാഴ്ച രാത്രി നല്ലളം പോലീസ് വാഹനപരിശോധനയിൽ അലൻ ദേവിന്റെ ബൈക്ക് പിടികൂടിയിരുന്നു. ബുധനാഴ്ച വാഹനം സ്റ്റേഷനിൽനിന്ന് കൊണ്ടുവരുന്നതിനായിച്ചെന്നതായിരുന്നു. എന്നാൽ, പെരുമാറ്റത്തിൽ സംശയം തോന്നി പരിശോധിച്ചപ്പോൾ 1.6 ഗ്രാം എംഡിഎംഎ കണ്ടെടുക്കുകയായിരുന്നു. എസ്.ഐ. സുഭഗയടക്കമുള്ളവരും സംഘത്തിലുണ്ടായിരുന്നു.
