തിരുവനന്തപുരം: മുഖ്യമന്ത്രിയുടെയും മന്ത്രിമാരുടെയും നവകേരള സദസ്സ് ഇന്ന് തലസ്ഥാനത്തേക്ക് തിരിക്കും. കൊല്ലം ജില്ലയിലെ പരിപാടി അവസാനിക്കുന്നതോടെയാണ് തിരുവനന്തപുരത്ത് പ്രവേശിക്കുന്നത്. ഈ മാസം 23 ശനിയാഴ്ച സമാപിക്കുന്ന നവകേരള സദസ്സിൽ തമിഴ് നാട് മുഖ്യമന്ത്രി എം കെ സ്റ്റാലിനും പങ്കെടുത്തേയ്ക്കുമെന്നാണ് സൂചന.
വട്ടിയൂർക്കാവ് സെൻട്രൽ പോളിടെക്‌നിക്‌ മൈതാനത്തു വച്ചാണ് സമാപന ചടങ്ങ് നടക്കുക. ഏറെ വിവാദം സൃഷ്ടിച്ചായിരുന്നു നവംബർ 18 ന് ആരംഭിച്ച നവകേരള സദസ്സിന്റെ യാത്ര. മുഖ്യമന്ത്രിക്കും മറ്റു മന്ത്രിമാർക്കും സഞ്ചരിക്കാനായി ബെൻസ് കാരവൻ ഉൾപ്പെടെയുള്ള സൗകര്യങ്ങളാണ് ഒരുക്കിയിരുന്നത്. കോടികൾ മുടക്കി ഹെലികോപ്റ്റർ വാടകയ്ക്കെടുത്തതിന് പിന്നാലെയാണ് ആഡംബര ബെൻസ് കാരവനിലുള്ള മുഖ്യമന്ത്രിയുടെ യാത്ര. പിണറായി വിജയനെതിരെ കരിങ്കൊടി കാട്ടി യൂത്ത് കോൺഗ്രസ്സും രംഗത്ത് വന്നിരുന്നു. ഇവർക്കെതിരെ അതിദാരുണമായി പോലീസും എസ്എഫ്ഐ കാരും നടത്തുന്ന ആക്രമണങ്ങൾ വലിയ പ്രതിഷേധത്തിനിടയാക്കി.
തമിഴ് നാട്ടിലെ പ്രളയം വിട്ടൊഴിയാത്ത സാഹചര്യത്തിൽ ഒരു പക്ഷെ എം കെ സ്റ്റാലിന്റെ യാത്രയുണ്ടാകാൻ സാധ്യതയില്ലെന്നും രഹസ്യാന്വേഷണ വിഭാഗം പറയുന്നു.
