ന്യൂഡൽഹി (Newdelhi ) 2025-26 അക്കാദമിക് സെഷൻ (Academic Session) മുതൽ വിദ്യാർത്ഥികൾക്ക് 10, 12 ക്ലാസ് ബോർഡ് പരീക്ഷകൾ (Board Exams) വർഷത്തിൽ രണ്ടുതവണ എഴുതാനുള്ള അവസരം ലഭിക്കുമെന്ന് ഫെബ്രുവരി 19 ന് കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ (Union Education Minister Dharmendra Pradhan) പറഞ്ഞു. സംസ്ഥാനത്തെ 211 സ്‌കൂളുകൾ അപ്‌ഗ്രേഡ് ചെയ്യുന്ന ഛത്തീസ്ഗഡിൽ PM SHRI (പ്രൈം മിനിസ്റ്റേഴ്‌സ് സ്‌കൂൾ ഫോർ റൈസിംഗ് ഇന്ത്യ) (Prime Minister’s School for Rising India) പദ്ധതി ഉദ്ഘാടനം ചെയ്ത് സംസാരിക്കുകയായിരുന്നു പ്രധാൻ. റായ്പൂരിലെ പണ്ഡിറ്റ് ദീൻദയാൽ ഉപാധ്യായ ഓഡിറ്റോറിയ (Pandit Deendayal Upadhyaya Auditoriam, Raipur) ത്തിലായിരുന്നു ചടങ്ങ്.
2020-ൽ പുറത്തിറക്കിയ പുതിയ ദേശീയ വിദ്യാഭ്യാസ നയത്തിൻ്റെ (NEP) ലക്ഷ്യങ്ങളിലൊന്ന് വിദ്യാർത്ഥികളിലെ അക്കാദമിക് സമ്മർദ്ദം കുറയ്ക്കുകയാണെന്ന് അദ്ദേഹം പറഞ്ഞു. 2025-26 അക്കാദമിക് സെഷൻ മുതൽ വിദ്യാർത്ഥികൾക്ക് 10, 12 ക്ലാസ് ബോർഡ് പരീക്ഷകൾ രണ്ട് തവണ എഴുതാൻ അവസരം ലഭിക്കുമെന്ന് അദ്ദേഹം പറഞ്ഞു.
കഴിഞ്ഞ വർഷം ഓഗസ്റ്റിൽ വിദ്യാഭ്യാസ മന്ത്രാലയം പ്രഖ്യാപിച്ച പുതിയ പാഠ്യപദ്ധതി ചട്ടക്കൂട് (എൻസിഎഫ്) അനുസരിച്ച്, വിദ്യാർത്ഥികൾക്ക് മികച്ച പ്രകടനം കാഴ്ചവയ്ക്കാൻ മതിയായ സമയവും അവസരവും ഉണ്ടെന്ന് ഉറപ്പാക്കാൻ വർഷത്തിൽ രണ്ട് തവണയെങ്കിലും ബോർഡ് പരീക്ഷകൾ നടത്തും. മികച്ച സ്കോർ നിലനിർത്താനുള്ള ഓപ്ഷനും അവർക്ക് ലഭിക്കും.
തീരുമാനത്തിൽ സന്തോഷമുണ്ടോയെന്ന് ചടങ്ങിൽ പങ്കെടുത്ത വിദ്യാർത്ഥികളോട് ചോദിച്ച കേന്ദ്രമന്ത്രി, രണ്ട് പരീക്ഷകളിലും പങ്കെടുത്തതിന് ശേഷം ലഭിച്ച മികച്ച മാർക്ക് നിലനിർത്താൻ അവരോട് പറഞ്ഞു.
‘വിദ്യാർത്ഥികളെ സമ്മർദ്ദമുക്തരാക്കുക, ഗുണമേന്മയുള്ള വിദ്യാഭ്യാസം കൊണ്ട് അവരെ സമ്പന്നരാക്കുക, വിദ്യാർത്ഥികളെ സംസ്കാരവുമായി ബന്ധിപ്പിക്കുക, ഭാവിയിലേക്ക് അവരെ സജ്ജരാക്കുക എന്നിവയാണ് NEP-യിലൂടെ പ്രധാനമന്ത്രി നരേന്ദ്ര മോദി ജിയുടെ ലക്‌ഷ്യം. 2047-ഓടെ ഇന്ത്യയെ വികസിത രാജ്യമാക്കുന്നതിനുള്ള സൂത്രവാക്യമാണിത്.’ അദ്ദേഹം കൂട്ടിച്ചേർത്തു.
