എറണാകുളം (Eranakulam) : നടൻ ബാബുരാജ് സിനിമയിൽ അവസരം വാഗ്ദാനം ചെയ്ത് പീഡിപ്പിച്ചെന്നാണ് കേസ്. വീട്ടിൽവച്ച് പീഡിപ്പിച്ചെന്ന നടിയുടെ പരാതിയിൽ നടൻ ബാബുരാജിനെതിരെ പോലീസ് കേസ് എടുത്തു. യുവതിയുടെ മൊഴി രേഖപ്പെടുത്തിയതിന് പിന്നാലെയാണ് ബാബുരാജിതെിരെ പോലീസ് കേസ് എടുത്തത്.
2019 ൽ ആയിരുന്നു കേസിന് ആസ്പദമായ സംഭവം ഉണ്ടായത്. മാദ്ധ്യമങ്ങൾക്ക് മുൻപിൽ ആയിരുന്നു ഇതുമായി ബന്ധപ്പെട്ട നടിയുടെ ആദ്യ വെളിപ്പെടുത്തൽ. ഇതിന് പിന്നാലെ പോലീസിൽ ഔദ്യോഗികമായി പരാതി നൽകുകയായിരുന്നു. സിനിമയിൽ അഭിനയിപ്പിക്കാമെന്ന് പറഞ്ഞ് വീട്ടിലേക്ക് വിളിച്ച ശേഷം ലൈംഗികാതിക്രമം നടത്തുകയായിരുന്നുവെന്നാണ് നടിയുടെ പരാതി. നടന്റെ റിസോർട്ടിൽ വച്ചും പീഡിപ്പിച്ചതായി നടി പറയുന്നു.
പരാതിയിൽ ഓൺലൈൻ ആയിട്ടായിരുന്നു നടിയുടെ മൊഴി പോലീസ് രേഖപ്പെടുത്തിയത്. ഡിഐജിക്ക് ഓൺലൈനായി നടി നൽകിയ പരാതി അടിമാലി പോലീസിന് കൈമാറുകയായിരുന്നു.
