ഒരു ദിവസം സുന്ദരമാകുന്നത്, എപ്പോഴും നമ്മുടെ പ്രഭാതഭക്ഷണത്തെ ആശ്രയിച്ചിരിക്കും. രാവിലെ പോഷകഘടകങ്ങൾ അടങ്ങിയ ഭക്ഷണങ്ങൾ ശീലമാക്കുന്നതാണ് ആരോഗ്യത്തിന് ഉത്തമം. എല്ലാ ദിവസവും പഴ വർഗങ്ങൾ അടങ്ങിയ സ്മൂത്തി കഴിക്കുന്നത് ശീലമാക്കിയാൽ അതിന്റെ ഗുണവും നിങ്ങളെ തേടിയെത്തുമെന്നാണ് ചില പഠനങ്ങൾ വ്യക്തമാക്കുന്നത്.
ശരീരഭാരം കുറയ്‌ക്കാൻ ആഗ്രഹിക്കുന്നവർക്കും കൂട്ടണമെന്ന് വിചാരിക്കുന്നവർക്കും പ്രഭാത ഭക്ഷണത്തോടൊപ്പം സ്മൂത്തി കഴിക്കാവുന്നതാണ്. ദിവസം മുഴുവൻ ഉന്മേഷമായി ഇരിക്കാനും വിശപ്പ് അകറ്റാനും സ്മൂത്തി സഹായിക്കുന്നു. പോഷകസമൃദ്ധമായ സ്മൂത്തികൾ ഏതൊക്കെയെന്ന് നോക്കാം…
ബനാന സ്മൂത്തി
വാഴപ്പഴം, ജെറി, നട്സ്, പാൽ എന്നിവ ചേർത്തുള്ള ബനാന സ്മൂത്തി ആരോഗ്യത്തിന് അത്യുത്തമമാണ്. കൂടാതെ വളരെയധികം രുചികരവുമാണ്. ഇത് വളരെ എളുപ്പത്തിൽ തയ്യാറാക്കാനും സാധിക്കും. ബനാന സ്മൂത്തി ശീലമാക്കുന്നത് പ്രതിരോധ ശേഷി വർദ്ധിപ്പിക്കാനും മസ്തിഷ്ക വളർച്ചയ്‌ക്കും സഹായിക്കുന്നു.
പൈനാപ്പിൾ സ്മൂത്തി
ശരീരത്തിന് ഉന്മേ‌ഷദായകവും ആരോഗ്യത്തിന് ഗുണം ചെയ്യുന്നതുമായ ഒന്നാണ് പൈനാപ്പിൾ സ്മൂത്തി. മാമ്പഴവും പൈനാപ്പിളും ചേർത്താണ് കൂടുതൽ പേരും പൈനാപ്പിൾ സ്മൂത്തി തയ്യാറാക്കുന്നത്. രൂചി കൂട്ടാനായാണ് ഇത്തരത്തിൽ മാമ്പഴം ചേർക്കുന്നത്. ഇത് പ്രതിരോധശേഷി വർദ്ധിപ്പിക്കുകയും ചർമത്തിന്റെ ആരോഗ്യം സംരക്ഷിക്കുകയും ചെയ്യുന്നു.
കിവി സ്മൂത്തി
ആൻ്റിഓക്സിഡന്റുകൾ നിറഞ്ഞ പഴവർഗമാണ് കിവി ഫ്രൂട്ട്. ഇത് എല്ലാ ദിവസും രാവിലെ കഴിക്കുന്നത്, ശരീരത്തിനും നല്ലതാണ്. കിവി സ്മൂത്തിയിൽ പാൽ അധികമായി ചേർക്കുന്നത് ഉത്തമമായിരിക്കും. കിവിയിൽ വിറ്റാമിൻ സി അടങ്ങിയിട്ടുള്ളതിനാൽ രോഗ പ്രതിരോധശേഷി വർദ്ധിപ്പിക്കാനും ഇവ സഹായിക്കുന്നു.
ആപ്പിൾ സ്മൂത്തി
പൊതുവെ, ആപ്പിൾ കഴിക്കുന്നത് ആരോഗ്യത്തിന് ഉത്തമമാണ്. സ്മൂത്തി ഉണ്ടാക്കുന്നതിനായി ആപ്പിൾ വളരെ ചെറിയ കഷ്ണങ്ങളായാണ് മുറിക്കേണ്ടത്. ഇതിലേക്ക് ബദാം, കശുവണ്ടി എന്നിവയും ചേർക്കാവുന്നതാണ്. ആപ്പിൾ സ്മൂത്തി എല്ലാ ദിവസും കഴിക്കുന്നത് മുഖകാന്തി വർദ്ധിപ്പിക്കാനും ചർമ സംരക്ഷണത്തിനും സഹായകമാണ്.
