സീതപ്പഴത്തിന്റെ ഈ ഗുണങ്ങൾ അറിയാതെ പോകരുത്…

ധാരാളം ആരോ​ഗ്യ​ഗുണങ്ങളാൽ സമ്പന്നമായ ഒരു ഫലമാണ് സീതപ്പഴം. (Custard Apple is a fruit rich in many health benefits.) ദിവസവും ഒരു സീതപ്പഴം കഴിക്കുന്നത് നമ്മുടെ ആരോഗ്യം മെച്ചപ്പെടുത്തുന്നതിനുള്ള എളുപ്പ മാ‍ർ​ഗമാണ്.

വിറ്റാമിൻ സി, അയൺ, ആന്റി ഓക്സിഡന്റുകൾ എന്നിവയാൽ സമ്പന്നമായ സീതപ്പഴം രോ​ഗ പ്രതിരോധശേഷി കൂട്ടാൻ സഹായിക്കുന്നു.

സീതപ്പഴത്തിൽ ധാരാളം വിറ്റാമിൻ ബി6 അടങ്ങിയിട്ടുണ്ട്. ഇത് സ്ട്രെസ് കുറയ്ക്കാനും തലച്ചോറിന്റെ ആരോ​ഗ്യം സംരക്ഷിക്കാനും ​ഗുണകരമാണ്.

പൊട്ടാസ്യത്താൽ സമ്പന്നമായ സീതപ്പഴം രക്തസമ്മര്‍ദ്ദം നിയന്ത്രിക്കാനും കൊളസ്ട്രോള്‍ കുറയ്ക്കാനും സഹായിക്കുന്നു.

നാരുകൾ ധാരാളം അടങ്ങിയ സീതപ്പഴം മലബന്ധം അകറ്റാനും ദഹനം മെച്ചപ്പെടുത്താനും ​ഗുണകരമാണ്.

സീതപ്പഴത്തില്‍ ധാരാളം ഇരുമ്പ് അടങ്ങിയിട്ടുണ്ട്. അതിനാല്‍ വിളര്‍ച്ചയുള്ളവര്‍ക്ക് ഇവ ഡയറ്റിൽ ഉൾപ്പെടുത്താം.