ഭക്ഷണത്തിൽ നിന്നും അലർജിയുണ്ടാകുന്നത് പലരും നേരിടുന്ന പ്രശ്നമാണ്. ഉച്ചഭക്ഷണത്തിനിടെ കൊഞ്ച് കഴിച്ച് അലർജിയുണ്ടായ യുവതി മരിച്ച സംഭവം പുറത്തു വന്നിരുന്നു. അലർജി വഷളായതിന് പിന്നാലെ യുവതിക്ക് ന്യുമോണിയ പിടിപെട്ടിരുന്നു. സമാനരീതിയിൽ കൊഞ്ച് കഴിച്ചപ്പോൾ മുമ്പും യുവതിക്ക്് അലർജി ഉണ്ടായിട്ടുണ്ടായിരുന്നു.
കൊഞ്ച് അലർജിയിൽ പ്രധാനമായും ശ്രദ്ധിക്കേണ്ടത്…
ഭക്ഷണത്തിൽ അലർജിയുണ്ടാകുന്നത് മിക്കവരും നേരിടുന്ന പ്രശ്നമാണ്. എന്നാൽ ചില ഭക്ഷണത്തിൽ നിന്നുള്ള അലർജി തിരിച്ചറിയാതെ പോയാൽ മരണം വരെ സംഭവിക്കാം. ഇത്തരത്തിൽ കൊഞ്ചും ചിലരിൽ അലർജി ഉണ്ടാക്കുന്ന ഒന്നാണ്.
കൊഞ്ചിൽ അടങ്ങിയിരിക്കുന്ന പ്രത്യേക പ്രോട്ടീൻ്റെ സാന്നിദ്ധ്യത്തോട് ശരീരം അമിതമായി പ്രതികരിച്ചേക്കും. തുടർന്ന് ആന്റിബോഡികൾ, ഹിസ്റ്റാമൈനുകൾ, ചെമ്മീൻ അലർജി ലക്ഷണങ്ങൾക്ക് കാരണമായേക്കാവുന്ന മറ്റ് രാസവസ്തുക്കൾ എന്നിവ ഉത്പാദിപ്പിക്കും. ഇത്തരം പ്രശ്നങ്ങൾ നേരിട്ടാൽ ശ്രദ്ധിക്കേണ്ട പ്രധാന കാരണങ്ങൾ…
കൊഞ്ച് അലർജിയുടെ പ്രധാന ലക്ഷണങ്ങളിൽ ഒന്നാണ് ചൊറിച്ചിൽ.ചർമ്മത്തിൽ വ്യാപിക്കുന്ന തിണർപ്പുകളിൽ ചൊറിച്ചിൽ ഉണ്ടാകാൻ കാരണമായേക്കും. കണ്ണ്, വായ, ചർമ്മം എന്നിവിടങ്ങളിലാണ് ചൊറിച്ചിൽ പ്രധാനമായും അനുഭവപ്പെടുന്നത്.
അറ്റോപിക് ഡെർമറ്റൈറ്റിസ് എന്ന് അറിയപ്പെടുന്ന ത്വക്ക് രോഗാവസ്ഥയാണ് എക്സിമ. വരണ്ട ചർമ്മത്തിന്റെ തവിട്ട്-ചാര നിറത്തിൽ പാടുകൾ കാണപ്പെടും. കൈകൾ, കാലുകൾ, കണങ്കാൽ, കൈത്തണ്ട, നെഞ്ച്, കൈമുട്ടുകൾ, കാൽമുട്ടുകൾ എന്നിവയിലാണ് പാടുകൾ കാണപ്പെടുന്നത്. കൂടാതെ ശരീരത്തിൽ ദ്രാവകം നിറയുന്ന ചെറിയ മുഴകളും കാണപ്പെടുന്നു.
ശ്വാസകോശ സംബന്ധമായ പ്രശ്നങ്ങളും നെഞ്ച് വേദനയുമാണ് മറ്റൊരു പ്രധാന ലക്ഷണം. ശ്വാസം മുട്ടൽ, ചുമ എന്നിവ ഇതിൽ ഉൾപ്പെടുന്നു.
തലകറക്കം, ബോധക്ഷയം എന്നിവയാണ് മറ്റ് പ്രധാന ലക്ഷണങ്ങൾ. മന്ദഗതിയിലുള്ള പൾസ് നിരക്കും ഇതിന്റെ പ്രധാന ലക്ഷണമാണ്.
