സംസ്ഥാനത്ത് സ്വര്‍ണവില കുറഞ്ഞു; ആശ്വാസത്തില്‍ ഉപഭോക്താക്കള്‍

സംസ്ഥാനത്ത് സ്വർണവിലയിൽ നേരിയ ഇടിവ്. പവന് ഇന്ന് 320 രൂപ കുറഞ്ഞു. ഇതോടെ വില 71,600ലെത്തി. കഴിഞ്ഞ ദിവസം 71,920 രൂപയായിരുന്നു പവന്റെ വില. ഗ്രാമിന് 8,950 രൂപയാണ് വില. 40 രൂപയാണ് ​ഗ്രാമിന് കുറഞ്ഞത്. കഴിഞ്ഞ മാസം 22ന് പവൻ വില സർവകാല റെക്കോ‍ർ‌ഡിലെത്തിയിരുന്നു. 74,320 രൂപയിലായിരുന്നു അന്ന് സ്വർണവ്യാപാരം നടന്നത്. കഴിഞ്ഞ ദിവസങ്ങളിൽ ഏറിയും കുറഞ്ഞും നിന്ന ശേഷമാണ് രണ്ട് ദിവസമായി പവൻ വിലയിൽ കുതിച്ചുചാട്ടമുണ്ടായത്. മെയ് 8 രേഖപ്പെടുത്തിയ 73,040 ആണ് ഈ മാസത്തെ ഉയർന്ന സ്വർണവില. പിന്നീട് പവൻവില കുറയുകയായിരുന്നു. 68,000ത്തിലേത്ത് താഴ്ന്ന വിലയാണ് പിന്നീട് വർധിച്ചത്. അഞ്ച് ശതമാനം പണിക്കൂലിയും നികുതിയും ഉൾപ്പെടെ ഒരുപവന് 78,000ത്തോളം രൂപ നൽകേണ്ടി വരും. 24 കാരറ്റിന് പവന് 78,112 രൂപയും ​ഗ്രാമിന് 9,764 രൂപയുമാണ് വില. 18 കാരറ്റിന് പവന് 58,584 രൂപയും ​ഗ്രാമിന് 7,323 രൂപയുമാണ് വില. ജനുവരി 22നാണ് സ്വർണവില ആദ്യമായി 60,000 കടന്നത്. തുടർന്ന് ഫെബ്രുവരി 11ന് പവൻ വില 64,000 കടന്നിരുന്നു. മാർച്ച് 14ന് 65,000 കടന്ന വില ഏപ്രിൽ 12നാണ് ആദ്യമായി 70,000 കടന്നത്. ​തുടർന്ന് 17ന് പവൻ വില 71,000ഉം 22ന് വില 74,000ഉം കടന്നു.