തിരുവനന്തപുരം ( Thiruvananthapuram ) : സംസ്ഥാനത്ത് സ്വർണവില റെക്കോ‍ഡിട്ടു. (Gold prices hit a record high in the state.) ചരിത്രത്തിലെ ഏറ്റവും വലിയ വിലയിലാണ് സ്വർണവില. ഇന്നലെയും ഇന്നുമായി 720 രൂപ പവന് വർദ്ധിച്ചു. ഇതോടെ സ്വർണവില മുക്കാൽ ലക്ഷം കടന്നു. ഒരു പവൻ 22 കാരറ്റ് സ്വർണത്തിന്റെ ഇന്നത്തെ വിപണി വില 75,040 രൂപയാണ്.
ഇന്ന് പവന് 80 രൂപയാണ് വർദ്ധിച്ചത്. ഇന്നലെ 640 രൂപയുടെ വർദ്ധനവുണ്ടായിരുന്നു. ഈ മാസം ആദ്യമായാണ് സ്വർണവില ഉയർന്നത്. കഴിഞ്ഞ മാസം 23 നാണ് സ്വർണവില ഇതിന് മുൻപ് മുക്കാൽ ലക്ഷം കടന്നിരുന്നത്.
വിപണിയിൽ, ഒരു ഗ്രാം 22 കാരറ്റ് സ്വർണത്തിൻ്റെ വില 9380 ആണ്. ഒരു ഗ്രാം 18 കാരറ്റ് സ്വർണത്തിൻ്റെ വില 7700 ആണ്. 14 കാരറ്റ് സ്വർണത്തിൻ്റെ വില 5995 ആണ്. വെള്ളിയുടെ വിലയിലും വർദ്ധനവുണ്ട്. ഓഗസ്റ്റ് ആദ്യ ദിനം തന്നെ ഗ്രാമിന് 2 രൂപ കുറഞ്ഞിരുന്നു. ഇന്ന് വില ഉയർന്നു. ഒരു ഗ്രാം 916 ഹാൾമാർക്ക് വെള്ളിയുടെ ഇന്നത്തെ വിപണി വില 123 രൂപയാണ്.
ഓഗസ്റ്റ് 6 – ഒരു പവന് 80 രൂപ വർദ്ധിച്ചു. പവന്റെ വില 75,040 രൂപ……
