കേന്ദ്രസഹമന്ത്രി സുരേഷ് ഗോപി മാധ്യമങ്ങളോട് പ്രതികരിച്ച രീതിയെ അനുകരിച്ച് നടന്‍ ടിനി ടോം വെട്ടിലായി. ടിനി ടോമിന്റെ വീഡിയോ നിമിഷ നേരം കൊണ്ട് സോഷ്യല്‍ മീഡിയയില്‍ വൈറലാവുകയായിരുന്നു.
തൃശൂരിലെ ഒരു പരിപാടിയില്‍ പങ്കെടുത്തപ്പോഴാണ് ടിനി ടോം വേദിയില്‍ നിന്ന് സുരേഷ് ഗോപിയുടെ പ്രസ്താവനയെ ട്രോള്‍ ചെയ്തത്. ‘തൃശൂര്‍ വേണം, തനിക്ക് തരണം എന്നൊക്കെയായി നടന്ന ആള്‍ ഇപ്പോള്‍ ചോദിക്കുന്നത് നിങ്ങളൊക്കെ ആരാണ് എന്നു തന്നെയാണ്. മാധ്യമമോ, അല്ലെങ്കില്‍ തനിക്കു ജനങ്ങളോടു മാത്രമേ സംസാരിക്കാനുള്ളതുള്ളൂവെന്നും പറയുന്നു,’ എന്നാണ് ടിനി ടോം വേദിയില്‍ പറഞ്ഞത്.
വീഡിയോ വിവാദമായതോടെ, ടിനി ടോം തന്റെ ഫെയ്സ്ബുക്ക് പേജിലൂടെ വിശദീകരണവുമായി രംഗത്തെത്തി. ”ഇത് വെറും അനുകരണമായിരുന്നു, ഒരു ഉദ്ഘാടനം ചടങ്ങില്‍ വേണമായതുകൊണ്ടാണ് സുരേഷേട്ടനെ അനുകരിച്ചത്. അതിനെയല്ലാതെ മറ്റൊന്നുമില്ല. സുരേഷേട്ടന്‍ എനിക്ക് സഹോദരനുപോലെയാണ്, ദയവായി ഇത് രാഷ്ട്രീയ വിരോധമായി കണക്കാക്കരുത്,” എന്നാണ് ടിനി കുറിച്ചത്.
ടിനിടോമിനോടും മിമിക്രി കലാകാരന്മാരുടെ സംഘടനയോടും അടുത്ത ബന്ധമാണ് സുരേഷ് ഗോപിക്കുളളത്. കോവിഡ് കാലത്ത് സംഘടനയെ സുരേഷ് ഗോപി സാമ്പത്തികമായി സഹായിച്ചിരുന്നു.
