മലയാളത്തിലെ ഏറ്റവും വലിയ റിയാലിറ്റി ഷോ ബിഗ്ബോസ് മലയാളത്തിന്റെ ജേതാവായ ജിന്‍ോയ്ക്ക് പ്രൈസ് മണി കൈമാറി കോണ്‍ഫിഡന്റ് ഗ്രൂപ്പ്. ചെയര്‍മാന്‍ റോയ് സി.ജെയാണ് സമ്മാനത്തുകയുടെ ചെക്ക് ജിന്റോയ്ക്ക് കൈമാറിയത്. അമ്പത് ലക്ഷമാണ് ഒന്നാം സമ്മാനം എന്നാല്‍ 15,60,000 രൂപ ടാക്‌സ് കുറച്ചിട്ട് 34,40,000 രൂപയുടെ ചെക്കാണ് ജിന്റോയ്ക്ക് ലഭിച്ചത്. ബിഗ്‌ബോസിന്റെ ഇതുവരെയുളള എല്ലാ സീസണിലും വിജയിക്ക് സമ്മാനം നല്‍കിയത് കോണ്‍ഫിഡന്റ് ഗ്രൂപ്പാണ്. ഒന്നാമത്തെ സീസണില്‍ മാത്രം സാബുമോന് ഒരു കോടി രൂപയുടെ ഫ്‌ളാറ്റ് സമ്മാനിച്ചു. ബാക്കി സീസണുകളില്‍ പ്രൈസ് തുകയാണ് നല്‍കിയത്.
പ്രെസ്മാത്രമല്ല കോണ്‍ഫിഡന്റ് ഗ്രൂപ്പ് നിര്‍മ്മിക്കുന്ന വി.കെ.പ്രകാശ് സംവിധാനം ചെയ്യുന്ന പുതിയ ചിത്രത്തിലും ജിന്റോയ്ക്ക് ഒരു റോളും നല്‍കുമെന്നും കമ്പനി അറിയിച്ചു.
ഏറെ വിവാദങ്ങള്‍ നിറഞ്ഞ ആറാം സീസണില്‍ വാശിയേറിയ മത്സരത്തിനൊടുവിലാണ് ജിന്റോ വിജയിച്ചത്. അര്‍ജുന്‍ ശ്യാം ഗോപന്‍ രണ്ടാമതും ജാസ്മിന്‍ ജാഫര്‍ മൂന്നാമതുമെത്തി.
