വറുത്ത മീന്‍ എന്ന് പറഞ്ഞാൽ തന്നെ ചോറ് ഉണ്ണാൻ എല്ലാവര്ക്കും ഇഷ്ടമാണ്. എന്നും ഒരോ കൂട്ട് ചേർത്ത് മീൻ വറുത്തു മടുത്തോ? ഇന്ന് ഈ രീതിയിൽ മസാല ഉണ്ടാകൂ…
ചേരുവകൾ
മീൻ
വെളുത്തുള്ളി
കുരുമുളക്
ഇഞ്ചി
പച്ചമുളക്
നെല്ലിക്ക
കറിവേപ്പില
മുളകുപൊടി
മഞ്ഞള്‍പ്പൊടി
ഉപ്പ്
തയ്യാറാക്കുന്ന വിധം
ആദ്യം തന്നെ അയല നന്നായി കഴുകി വൃത്തിയാക്കിയശേഷം വരഞ്ഞു മാറ്റിവെക്കുക. ഈ സമയം രണ്ട് നെല്ലിക്കയും ഇഞ്ചി, വെളുത്തുള്ളി കുരുമുളക്, രണ്ടു പച്ചമുളക് കാല്‍ ടീസ്പൂണ്‍ മഞ്ഞള്‍പ്പൊടി, കുറച്ചു മുളകുപൊടി, ആവശ്യത്തിന് ഉപ്പ്, കറിവേപ്പില എന്നിവ ചേര്‍ത്ത് നന്നായി അരച്ചെടുക്കുക. ഈ കൂട്ട് അല്‍പസമയം മാറ്റി വെക്കുക.
ശേഷം നേരത്തെ വൃത്തിയാക്കി മാറ്റി വെച്ചിരിക്കുന്ന അയലയിലേക്ക് ഈ മസാല പുരട്ടി പത്തു മിനിറ്റു വെയ്ക്കാം. തുടര്‍ന്ന് പാന്‍ ചൂടാക്കി എണ്ണയൊഴിക്കുക. എണ്ണ നന്നായി തിളച്ചു വരുമ്പോള്‍ മീന്‍ കഷ്ണങ്ങള്‍ ഓരോന്നായി വറുത്തെടുക്കാം. രുചികരമായ ഫിഷ് ഫ്രൈ റെഡി.
