തൃശൂർ : നെട്ടിശ്ശേരി മുക്കാട്ടുകര ഡിവിഷനിലെ കുഴികൾ അടയ്ക്കാത്തതിന് ജനകീയ പ്രതിഷേധം നടത്തി. റോഡിലെ കുഴികൾ കാരണം ജനങ്ങൾക്ക് സഞ്ചരിക്കുവാൻ കഴിയുന്നില്ല. എന്നിട്ടും സാധാരണക്കാർ ദുരിതം അനുഭവിക്കുമ്പോൾ ധൂർത്തടിക്കുന്ന ഭരണാധികാരികൾക്കെതിരെയാണ് ജനങ്ങൾക്ക് ദുരന്തമായ റോഡിലൂടെ വാഹനം ഓടിക്കുന്നവർക്ക് കണ്ണടകൾ നൽകി പ്രതിഷേധിച്ചത് . റോഡ് സഞ്ചാര യോഗ്യമാകുന്നതു വരെ ജനകീയ പ്രതിഷേധങ്ങൾ തുടരുമെന്ന് കൺവീനർ ജെൻസൻ ജോസ് കാക്കശ്ശേരി അറിയിച്ചു.
പ്രതിഷേധ സമരം എക്സ് സുബൈദാർ മേജർ കെ.കെ.ഉണ്ണികൃഷ്ണൻ, ജെൻസൻ ജോസ് കാക്കശ്ശേരി, കാർഷിക സർവകലാശാല മുൻ ജോയിന്റ് രജിസ്ട്രാർ വി.ബാലഗോപാലൻ, എ.അഭിലാഷ്, ജോൺസൻ ആവോക്കാരൻ, വി.എം.സുലൈമാൻ, സി.ഡി.ടോണി, സോജൻ മഞ്ഞില, കൊച്ചുവർക്കി തരകൻ, എച്ച്.ഉദയകുമാർ, സി.പഴനിമല, രാധാകൃഷ്ണൻ വാകയിൽ, നിധിൻ ജോസ്, സി.ജെ.രാജേഷ്, ഹരിദാസ്.ഒ.ആർ, കെ.പി.ജോബി, സി.ടി.ജിമ്മി, മഹേഷ്.സി.നായർ, സി.ബി.തോമസ് എന്നിവർ നേതൃത്വം നൽകി.
