- Advertisement -
ന്യൂഡല്‍ഹി: അനിശ്ചിതത്വങ്ങള്‍ക്കൊടുവില്‍ അഡ്വ. സണ്ണി ജോസഫ് എംഎല്‍എ പുതിയ കെപിസിസി പ്രസിഡന്റ്. കോണ്‍ഗ്രസ് ദേശീയ അധ്യക്ഷന്‍ മല്ലികാര്‍ജുന്‍ ഖാര്‍ഗെയാണ് പുതിയ കെപിസിസി പ്രസിഡന്റിനെ പ്രഖ്യാപിച്ചത്. പേരാവൂര്‍ എംഎല്‍എയാണ് സണ്ണി ജോസഫ്.
പി.സി. വിഷ്ണുനാഥ് എംഎല്‍എ, എ.പി. അനില്‍കുമാര്‍ എംഎല്‍എ, ഷാഫി പറമ്പില്‍ എംപി എന്നിവരാണ് വര്‍ക്കിംങ് പ്രസിഡന്റുമാര്‍. അടൂര്‍ പ്രകാശിനെ യുഡിഎഫ് കണ്‍വീനറായും തെരഞ്ഞെടുത്തു.
കെ. സുധാകരനെ മാറ്റിയാണ് സണ്ണി ജോസഫിനെ കെപിസിസി പ്രസിഡന്റാക്കിയത്. കെ. സുധാകരന്‍ കോണ്‍ഗ്രസ് പ്രവര്‍ത്തക സമിതിയിലെ സ്ഥിരം ക്ഷണിതാവാണ്.
