ആലപ്പുഴ : മുഖ്യമന്ത്രിക്കും മന്ത്രിക്കുമെതിരെ കരിങ്കൊടി കാട്ടി പ്രതിഷേധച്ചവരെ മര്‍ദ്ധിച്ച കേസില്‍ അഞ്ച് പ്രതികള്‍. മുഖ്യമന്ത്രിയുടെ ഗണ്‍മാന്‍ അനിലടക്കം അഞ്ച് പ്രതികളാണ് ഉള്ളത്. ആലപ്പുഴ ഒന്നാംക്ലാസ് മജിസ്‌ട്രേറ്റ് കോടതിയുടെ ഉത്തരവ് പ്രകാരമാണ് പോലീസ് നടപടി.
പ്രതികളുടെ മര്‍ദ്ദനമേറ്റ കെഎസ് യു ജില്ലാ പ്രസിഡന്റ് എഡി തോമസും യൂത്ത് കോണ്‍ഗ്രസ് സംസ്ഥാന സെക്രട്ടറി അജയ് ജൂവല്‍ കുര്യാക്കോസും നല്‍കിയ ഹര്‍ജിയിലാണ് കോടതി നടപടി. കേസില്‍ ഗണ്‍മാന്‍ അനിലാണ് ഒന്നാം പ്രതി.
ഗണ്‍മാന്‍ അനില്‍ മര്‍ദ്ദിക്കുന്നത് കണ്ടില്ലെന്നായിരുന്നു മുഖ്യമന്ത്രിയുടെ ആവര്‍ത്തിച്ചുള്ള പ്രതികരണം. മര്‍ദ്ദനമേറ്റവരുടെ വിശദമായ മൊഴി പോലീസ് ഇന്ന് രേഖപ്പെടുത്തും. തെളിവുകള്‍ ഹാജരാക്കാനും ആവശ്യപ്പെടും.
