കോഴിക്കോട്: ചലച്ചിത്രതാരം ഹണി റോസിനെതെിരേ മാനനഷ്ടത്തിന് വക്കീല്‍ നോട്ടീസ് അയക്കുമെന്ന് രാഹുല്‍ ഈശ്വര്‍. വ്യാജ കേസ് കൊടുക്കുന്നതിനാലാണ് താന്‍ ഇത്തരത്തിലൊരു മറുപടിയുമായി മുന്നോട്ട് പോകുന്നത്. കേസുമായി ഏതറ്റം വരെയും പോകുമെന്നും തനിക്ക് വേണ്ടി താന്‍ തന്നെ വാദിക്കുമെന്നും രാഹുല്‍ ഈശ്വര്‍ കോഴിക്കോട്ട് പറഞ്ഞു.
ഹണി റോസ് വീണ്ടും തനിക്കെതിരെ പരാതി നല്‍കിയിട്ടുണ്ട്. ഞാന്‍ ചാനലില്‍ ഇരുന്ന് പറഞ്ഞ കാര്യങ്ങള്‍ എങ്ങനെയാണ് കേസ് എടുക്കാനുള്ള കാര്യങ്ങളാകുന്നതെന്നും രാഹുല്‍ ഈശ്വര്‍ ചോദിച്ചു. പുരുഷന്മാര്‍ക്കെതിരെ കേസെടുക്കുന്നതാണ് പുരോഗമനമെന്നാണ് ചിലര്‍ കരുതുന്നത്. പുരുഷന്മാരുടെ പ്രശ്നങ്ങളും മാധ്യമങ്ങള്‍ കൊടുക്കാന്‍ തയ്യാറാകണം. പുരുഷന്മാരുടെ പ്രശ്നങ്ങള്‍ പരിഹരിക്കാന്‍ പുരുഷ കമ്മീഷന്‍ വേണമെന്നും രാഹുല്‍ ഈശ്വര്‍ പറഞ്ഞു. പോക്സോ കേസില്‍ കുട്ടിക്കല്‍ ജയചന്ദ്രനും രാഹുല്‍ പിന്തുണ അറിയിച്ചിട്ടുണ്ട്.
