തെന്നിന്ത്യന്‍ സിനിമയിലെ സൂപ്പര്‍ സ്റ്റാര്‍ ആണ് നയന്‍താര. മലയാളത്തിലൂടെ കരിയര്‍ ആരംഭിച്ച് പിന്നീട് തമിഴിലും തെലുങ്കിലുമെല്ലാം അഭിനയിച്ച് തെന്നിന്ത്യയിലെ താര റാണിയായി മാറുകയായിരുന്നു. അഭിനയിച്ച ഭാഷകളിലെല്ലാം സൂപ്പര്‍ ഹിറ്റുകള്‍ നല്‍കാന്‍ സാധിച്ചിട്ടുണ്ട് നയന്‍താരയ്ക്ക്.
സിനിമയില്‍ ബന്ധങ്ങളൊന്നുമില്ലാതെ കടന്നു വന്ന താരമാണ് നയന്‍താര. തന്റെ കരിയറിന്റെ തുടക്കകാലത്ത് ഗ്ലാമറസ് വേഷങ്ങളുടെ പേരില്‍ വിമര്‍ശനങ്ങളും നേരിടേണ്ടി വന്നിരുന്നു നയന്‍താരയ്ക്ക്. എന്നാല്‍ ഇന്ന് തെന്നിന്ത്യയിലെ ഏറ്റവും വലിയ നായികയാണ് നയന്‍താര.
ഒരു കാലത്ത് വിമര്‍ശിച്ചവര്‍ പോലും ഇന്ന് നയന്‍താരയ്ക്ക് കയ്യടിക്കുന്നുണ്ട്. ഓണ്‍ സ്‌ക്രീനിലെന്നത് പോലെ ജീവിതത്തിലും നയന്‍താര പലര്‍ക്കും പ്രചോദനമാണ്. ഇപ്പോഴിതാ നയന്‍താര പങ്കുവച്ച പുതിയ ചിത്രങ്ങള്‍ ചര്‍ച്ചയാവുകയാണ്. വെള്ളനിറത്തിലുള്ള വസ്ത്രങ്ങള്‍ ധരിച്ച് സ്റ്റൈലിഷ് ലുക്കിലാണ് നയന്‍താര എത്തിയിരിക്കുന്നത്.
നിരവധി പേരാണ് കമന്റുകളുമായി എത്തിയിരിക്കുന്നത്. എന്താ നയന്‍താരേ നിങ്ങള്‍ക്ക് വയസാകില്ലേ എന്നാണ് ഒരാള്‍ ചോദിച്ചിരിക്കുന്നത്. അതേസമയം നയന്‍താരയുടേയും സംവിധായകന്‍ വിഘ്‌നേഷ് ശിവന്റേയും കല്യാണത്തിന്റെ ഡോക്യുമെന്ററി റിലീസായിക്കഴിഞ്ഞു. നയന്‍താര ബിയോണ്ട് ദ ഫെയറിടേല്‍ എന്നാണ് ഡോക്യുമെന്ററിയുടെ പേര്.
നയന്‍താരയുടെ വിവാഹത്തില്‍ നിന്നുള്ള രംഗങ്ങളും സുഹൃത്തുക്കളുടേയും നയന്‍താരയുടേയും വിഘ്‌നേഷിന്റേയും ഇരുവരുടേയും കുടുംബത്തിന്റേയുമെല്ലാം പ്രതികരണങ്ങളും ഡോക്യുമെന്ററിയിലുണ്ട്. നവംബര്‍ 18നായിരുന്നു ഡോക്യുമെന്ററിയുടെ റിലീസ്.
