പുലരി അവാർഡ് ദാനവും പുസ്തക പ്രകാശനവും ഡിസംബർ 29ന് വൈകിട്ട് 3ന് ജവഹർ ബാലഭവനിൽ റവന്യൂ മന്ത്രി കെ രാജൻ നിർവഹിക്കും. പുലരി ചിൽഡ്രൻസ് വേൾഡ് തൃശ്ശൂർ പ്രസ് ക്ലബിൽ നടത്തിയ വാർത്താ സമ്മേളനത്തിലാണ് ഇക്കാര്യം അറിയിച്ചത്.
കുട്ടികളുടെ സർവ്വതോന്മുഖമായ വളർച്ച ലക്ഷ്യമാക്കി പുലരി ചിൽഡ്രൻസ് വേൾഡ് കഥ, കവിത, ചിത്രരചന മത്സരങ്ങൾ നടത്തിയിരുന്നു. ചെറുകഥയിൽ ദേവലക്ഷ്മി യു. എ, സമീറ ഇ എൻ, മഞ്ജിമ കെ ജെ, യും കവിതയിൽ ദിൽഷ പി എം, അൽഹ സീൻ, ശ്രീവിദ്യ ശ്രീരാജ് എന്നിവരും ചിത്രരചനയിൽ നാദിയ പി ബാബു, ഇഷ എം കപിൽ, നിരഞ്ജൻ പി ആർ എന്നിവർ വിജയികളായി. ഓരോ വിഷയത്തിലും ഒന്നാം സമ്മാനം 3000 രൂപയും, രണ്ടാം സമ്മാനം 2000 രൂപയും മൂന്നാം സമ്മാനം 1000 രൂപയും ട്രോഫികളുമാണ് അവാർഡ്.
അവാർഡ് ദാനത്തോടൊപ്പം സി ആർ ദാസ് എഴുതിയ ഓസ്ട്രേലിയൻ യാത്ര “യാവ 23” യാത്രാവിവരണ ഗ്രന്ഥവും മന്ത്രി കെ രാജൻ പ്രകാശനം ചെയ്യും. മുരളി ചീരോത്ത്, ഡോ. രാവുണ്ണി, ഡോ. എം എൻ വിനയകുമാർ എന്നിവർ ചടങ്ങിൽ സംബന്ധിക്കും. ചിത്രപ്രദർശന മത്സരത്തിൽ കുട്ടികൾ വരച്ച ചിത്രങ്ങളുടെ പ്രദർശനവും നടക്കും. തുടർന്ന് പുലരിപ്പൂക്കൾ അവതരിപ്പിക്കുന്ന കലാപരിപാടികളും അരങ്ങേറും.
പത്രസമ്മേളനത്തിൽ പുലരി ചിൽഡ്രൻസ് വേൾഡ് സെക്രട്ടറി സി ആർ ദാസ്, പ്രസിഡന്റ് ഡോ. കെ ജി വിശ്വനാഥൻ, കൺവീനർ താര അതിയടത്ത്, കോലഴി നാരായണൻ, സുരേഷ് കോമ്പാത്ത് എന്നിവർ പങ്കെടുത്തു.
