സൗത്ത് ഇന്ത്യന്‍ സിനിമാ ലോകം അടക്കി വാണിരുന്ന ഒരു കാലമുണ്ടായിരുന്നു ഖുശ്ബു സുന്ദറിനു. തമിഴിലും തെലുങ്കിലും മലയാളത്തിലും കന്നടയിലുമെല്ലാമുള്ള സൂപ്പര്‍ താരങ്ങള്‍ക്കൊപ്പമെല്ലാം ഖുശ്ബു അഭിനയിച്ചു. എന്നാല്‍ അവരെക്കാള്‍ എല്ലാം ഖുശ്ബുവിനെ ആകര്‍ഷിച്ചത് സംവിധായകന്‍ സുന്ദര്‍ സി യെ ആയിരുന്നു. സുന്ദറിനോടുള്ള പ്രണയത്തെ കുറിച്ച് പലപ്പോഴും ഖുശ്ബു വാചാലയായിട്ടുണ്ട്. ഇപ്പോഴിതാ നടി പങ്കുവച്ച പുതിയ പോസ്റ്റും വൈറലാവുന്നു.
പ്രഭുവിന്റെ മകളുടെ കല്യാണത്തിന് പോകാന്‍ വേണ്ടി നന്നായി ഒരുങ്ങിയതിന് ശേഷം ഭാര്യയും ഭര്‍ത്താവും നിന്ന് കുറച്ച് ഫോട്ടോസ് എടുത്തു. ആ ചിത്രത്തിനൊപ്പമാണ് ഖുശ്ബുവിന്റെ പോസ്റ്റ്. ’29 വര്‍ഷങ്ങള്‍ ഒരുമിച്ച് ജീവിച്ചിട്ടും ഇപ്പോഴും അദ്ദേഹത്തിന്റെ മുഖത്ത് നാണം കലര്‍ന്നൊരു ചിരിയുണ്ട്, അതാണ് പ്രണയം’ എന്നാണ് ഖുശ്ബു ഫോട്ടോയ്‌ക്കൊപ്പം എഴുതിയിരിക്കുന്നത്.
ഫോട്ടോയ്ക്ക് താഴെ ആരാധകരുടെ കമന്റുകള്‍ വന്ന് നിറയുകയാണ്. ലവ്‌ലി കപ്പിള്‍സ്, സൂപ്പര്‍ ജോഡി എന്നൊക്കെ പറഞ്ഞ് പ്രശംസിക്കുന്നവരും, കുശ്ബുവിന്റെ സൗന്ദര്യത്തെ വര്‍ണിക്കുന്നവരുമുണ്ട്. സാരിയും, ധരിച്ചിരിയ്ക്കുന്ന ആഭരവും എല്ലാം ആളുകളുടെ കണ്ണില്‍ പെട്ടിട്ടുണ്ട് എന്ന് കമന്റ് വായിക്കുമ്പോള്‍ മനസ്സിലാവും. വിവാഹ വാര്‍ഷികം ആണെന്ന് കരുതി ആശംസ അറിയിക്കാത്തവരും അല്ല.
നക്ത ഖാന്‍ എന്നാണ് ഖുശ്ബുവിന്റെ യഥാര്‍ത്ഥ പേര്. സിനിമയ്ക്ക് വേണ്ടിയാണ് കുശ്ബു എന്ന പേര് സ്വീകരിച്ചത്. അഞ്ച് വര്‍ഷം പ്രണയിച്ചതിന് ശേഷം 2000 ല്‍ ആയിരുന്നു ഖുശ്ബുവിന്റെയും സുന്ദര്‍ സിയുടെയും വിവാഹം. വിവാഹത്തിന് ശേഷം പേരിനൊപ്പം ഭര്‍ത്താവിന്റെ പേരും ചേര്‍ത്തുവയ്ക്കുകയായിരുന്നു. രണ്ട് മക്കളാണ് ദമ്പതികള്‍ക്കുള്ളത്
