പുതിയ ലുക്ക് പരീക്ഷിച്ച് മലയാളികളുടെ സ്വന്തം നസ്രിയ. ലോങ് ഹെയറിൽ നിന്നും ഷോട്ട് ഹെയർ ആണ് ഇപ്പോൾ താരം പരീക്ഷിച്ചിരിക്കുന്നത്. എന്നാൽ മുടി മുറിച്ച് കഴിഞ്ഞപ്പോൾ തൊട്ട് താരം ഇച്ചിരി ടെൻഷനിലാണ്.
മുടി മുറിച്ചുള്ള പുത്തൻ സ്റ്റൈൽ കണ്ടാൽ ഉമ്മ തന്നെ കൊല്ലാൻ ചാൻസുണ്ടെന്നാണ് നസ്രിയ പറയുന്നത്. എന്നാൽ താരത്തിന്റെ ഇ ലുക്കിനെ കുറിച്ച് അപർണ ബാലമുരളിയുടേയും കല്ല്യാണി പ്രിയദർശന്റേയും അഭിപ്രായം ഇങ്ങനെ.
തനിക്ക് ഇഷ്ടപ്പെട്ടു എന്നാണ് അപർണയുടെ പ്രതികരണം. ഒരു ലൗ ഇമോജിയാണ് കല്ല്യാണി പ്രിയദർശൻ നൽകിയിരിക്കുന്നത്. താരങ്ങൾ മാത്രമല്ല ആരാധകരും കമന്റുകളുമായി എത്തുന്നുണ്ട്.
ചെക്കൻ മൊട്ട അടിച്ചു മാസ്സ് കാണിക്കുന്നു . നീ മുടി വെട്ടി ക്യൂട്ട് കാണിക്കുന്നു എന്നാണ് ഒരു ആരാധകൻ കമ്മന്റ് ചെയ്തിരിക്കുന്നത്. മറ്റു ചിലർ ട്രാൻസ് എന്ന സിനിമയിൽ നസ്രിയ ചെയ്ത കഥാപാത്രം പോലുണ്ടെന്നും പറയുന്നു.
ഏതായാലും ആരാധകർ സംതൃപ്തരെന്ന് സാരം. സോഷ്യൽ മീഡിയയിൽ സജീവമായ നസ്രിയ ഇടയ്ക്കിടെ തന്റെ ജീവിതത്തിലെ മനോഹരമായ മുഹൂർത്തങ്ങൾ ആരാധകരുമായി പങ്കുവെക്കാറുണ്ട്.
1994 ഡിസംബർ 20നാണ് നസ്രയിയുടെ ജനനം. ബാലതാരമായി സിനിമയിലെത്തിയ താരത്തിന്റെ ശ്രദ്ധിക്കപ്പെട്ട ചിത്രമായിരുന്നു ബ്ലെസ്സി സംവിധാനം ചെയ്ത പളുങ്ക്.
