- Advertisement -
മണ്ണാര്‍ക്കാട് യുകെജി വിദ്യാര്‍ത്ഥിനി ഹിബ വാഹനാപകടത്തില്‍ മരിച്ച സംഭവത്തില്‍ സ്‌കൂള്‍ ബസിന്റെ ഡ്രൈവറെ പൊലീസ് കസ്റ്റഡിയിലെടുത്തു.. നെല്ലിപ്പുഴ ഡിഎച്ച്എസ് ഇംഗ്ലീഷ് മീഡിയം സ്‌കൂള്‍ വിദ്യാര്‍ത്ഥിനിയാണ് ഹിബ സ്‌കൂളില്‍ നിന്നും വന്നിറങ്ങിയ അതേ ബസ് ഇടിച്ച് മരിച്ചത്. തെങ്കര സ്വദേശി അലി അക്ബറിനെയാണ് മണ്ണാര്‍ക്കാട് പോലീസ് കസ്റ്റഡിയിലെടുത്തത്.
ഇതേ വാഹനത്തില്‍ വീടിന് മുന്നിലെ സ്റ്റോപ്പില്‍ വന്നിറങ്ങിയതായിരുന്നു ഹിബ. സ്‌കൂള്‍ വാഹനത്തിന് മുന്നിലൂടെ റോഡിന്റെ മറുവശം കടക്കുമ്പോഴായിരുന്നു അപകടം. കുട്ടി റോഡ് മുറിച്ച് കടക്കുന്നത് സ്‌കൂള്‍ ബസ് ഡ്രൈവറുടെ ശ്രദ്ധയില്‍ പെടാത്തതാണ് അപകടത്തിന് ഇടയാക്കിയത്. അമ്മ എത്തും മുമ്പേ കുട്ടി മറുവശത്തേക്ക് കടക്കുകയായിരുന്നു. ഇതിനിടെ മുന്നോട്ടെടുത്ത ബസ് ഇടിക്കുകയായിരുന്നുവെന്നാണ് ദൃക്‌സാക്ഷികള്‍ പറയുന്നത്.
