മൂവാറ്റുപുഴ (Muvatupuzha) : മൂവാറ്റുപുഴയിൽ ഒന്നര വയസുകാരൻ്റെ ദേഹത്തേക്ക് ടിവി മറിഞ്ഞുവീണ് ദാരുണാന്ത്യം. പായിപ്ര മൈക്രോ ജംഗ്ഷൻ പൂവത്തുംചുവട്ടിൽ അനസിന്റെ മകൻ അബ്ദുൽ സമദാണ് മരിച്ചത്.
തിങ്കളാഴ്ച രാത്രി 9:30 ഓടെയാണ് സംഭവം. സ്റ്റാൻഡിനൊപ്പം തന്നെ ടിവിയും കുഞ്ഞിന്റെ ദേഹത്തേക്ക് മറിഞ്ഞു വീഴുകയായിരുന്നു. ഗുരുതരമായി പരിക്കേറ്റ കുട്ടിയെ ഉടൻ ആശുപത്രിയിൽ പ്രവേശിപ്പിച്ചെങ്കിലും പുലർച്ചെ മരണം സംഭവിക്കുകയായിരുന്നു.
