കെ എസ് ആർ ടി സി ബസ്സിൽ കഴിഞ്ഞദിവസം പ്രസവിച്ച യുവതിയുടെ കുഞ്ഞിന് സമ്മാനവുമായി KSRTC ഉദ്യോഗസ്ഥർ. ഗതാഗത വകുപ്പ് മന്ത്രി കെ ബി ഗണേഷ് കുമാറിന്റെ വകയാണ് കുഞ്ഞിന് ഇന്ന് അമല ഹോസ്പിറ്റലിൽ വെച്ച് നൽകിയ സമ്മാനം.
2 പേരുടെയും ചികിത്സാ ചിലവ് മുഴുവൻ ഏറ്റെടുക്കുന്നുവെന്ന് അമല ആശുപത്രിഅധികൃതർ അറിയിച്ചു. കുഞ്ഞിന്റെയും അമ്മയുടെയും രക്ഷയ്ക്ക് അവസരോചിതമായി പെരുമാറിയ ബസ് ജീവനക്കാരെയും , ആശുപത്രി ജീവനക്കാരെയും അമല ആശുപത്രിയിൽ നടന്ന ചടങ്ങിൽ ആദരിച്ചു. കഴിഞ്ഞ ദിവസമാണ് അങ്കമാലിയിൽ നിന്നും കോഴിക്കോട്ടേക്ക് പോയിരുന്ന കെഎസ്ആർടിസി ബസ്സിൽ സെറീന എന്ന യുവതി പേരാമംഗലത്ത് വെച്ച് വേദന അനുഭവപ്പെട്ട് ബസ്സിൽ പ്രസവിച്ചത്. സെറീനയുടെ അഞ്ചാമത്തെ കുഞ്ഞായിരുന്നു.
