തിരുവനന്തപുരം: മലയാളികളുടെ സ്വന്തം മോഹന്‍ലാലിന് ഇന്ന് 64ാം പിറന്നാള്‍. വ്യത്യസ്ത വേഷങ്ങളിലൂടെ മലയാളികളെ സന്തോഷിപ്പിക്കുന്ന ലാലേട്ടന്‍റെ ജന്മദിനം ആഘോഷമാക്കാനൊരുങ്ങുകയാണ് ആരാധകര്‍. ഇന്ന് ചെന്നൈയിലെ വീട്ടില്‍ കുടുംബാംഗങ്ങള്‍ക്കൊപ്പമാണ് മോഹന്‍ലാലിന്‍റെ പിറന്നാള്‍ ആഘോഷങ്ങള്‍. പ്രമുഖരുടെ അടക്കം സോഷ്യല്‍ മീഡിയ അക്കൗണ്ടുകള്‍ ലാലേട്ടനുളള ആശംസാ വീഡിയോകള്‍ കൊണ്ട് നിറഞ്ഞുകഴിഞ്ഞു.
മോഹന്‍ലാലിന്‍റെ പിറന്നാള്‍ ആദ്യം ആഘോഷിച്ചത് ബിഗ്‌ബോസ് ഹൗസിലാണ്. ഇന്നലെ നടന്ന സ്‌പെഷ്യല്‍ എപ്പിസോഡില്‍ മോഹന്‍ലാല്‍ പങ്കെടുത്തു. ജന്മദിനത്തോടനുബന്ധിച്ച് മോഹന്‍ലാലിന്‍റെ കൈയ്യക്ഷരം ഡിജിറ്റല്‍ ഫോണ്ടായി പുറത്തിറക്കി. ഏട്ടന്‍ എന്നാണ് ഫോണ്ടിന്‍റെ പേര് (Ettan Font) .
നാള്‍ പ്രകാരം ജൂണ്‍ 2 നാണ് മോഹന്‍ലാലിന്‍റെ പിറന്നാള്‍. ഇടവത്തിലെ രേവതി നക്ഷത്രത്തിലാണ് ജനനം. അന്ന് ക്ഷേത്രങ്ങളില്‍ പൂജയും അമ്മ ശാന്തകുമാരിക്കൊപ്പം സദ്യയും കഴിക്കും.
