- Advertisement -
തിരുവനന്തപുരം : നാട്ടുകാരെ ഭീതിയിലാക്കി കരമനയില്‍ അഖില്‍ നടുറോഡില്‍ അടിച്ചുകൊന്ന കേസില്‍ മുഖ്യപ്രതികളില്‍ ഒരാള്‍ പിടിയില്‍. അഖില്‍ അപ്പു എന്നയാളാണ് പോലീസ് കസ്റ്റഡിയിലുളളത്. മറ്റ് പ്രതികള്‍ ഇപ്പോഴും ഒളിവിലാണ്. പ്രതികള്‍ തമിഴ്‌നാട്ടിലേക്ക് കടന്നുകളഞ്ഞെന്ന സംശയം പോലീസിനുണ്ട്. അനീഷ്, ഹരിലാല്‍, കിരണ്‍ കൃഷ്ണ, കിരണ്‍ എന്നിവരാണ് പിടിയിലായത്.
വാടകയ്‌ക്കെടുത്ത ഇന്നോവയിലെത്തിയ സംഘം അഖിലിനെ ആദ്യം കമ്പിവടികൊണ്ട് അടിച്ചു വീഴ്ത്തി. പിന്നീട് കല്ലെടുത്ത് തലക്കടിക്കുകയായിരുന്നു. പാപ്പനംകോടുള്ള ബാറിലെ തര്‍ക്കമാണ് കൊലയിലേക്ക് നയിച്ചത്.പ്രതികള്‍ സൂപ്പര്‍ഹിറ്റ് ചിത്രം കെജിഎഫിലെ നായകന്‍ റോക്കി ഭായിയുടെ ആരാധകരായിരുന്നു. കൊലയ്ക്കിടയില്‍ റോക്കി ഭായിയുടെ മാസ്സ് ഡയലോഗുകള്‍ വിളിച്ചുപറയുന്നത് വീഡിയോയില്‍ കേള്‍ക്കാമായിരുന്നു.
