ഉത്തർപ്രദേശ് (Uttarpradesh) : ഉത്തർപ്രദേശിലെ ബിജ്‌നോറി (Bijnor in Uttar Pradesh)ലാണ് സംഭവം. ഭർത്താവിനെ കെട്ടിയിട്ടശേഷം ശരീരഭാഗങ്ങൾ സിഗരറ്റ് ഉപയോഗിച്ച് പൊള്ളിച്ച സംഭവത്തിൽ യുവതി അറസ്റ്റിൽ. ഭർത്താവ് മനൻ സെയ്ദി (Husband Manan Saidi) നൽകിയ പരാതിയെ തുടർന്നാണ് ഭാര്യ മെഹർ ജഹാനെ (Wife Meher Jahane) പോലീസ് അറസ്റ്റ് ചെയ്തത്.
മദ്യപിച്ചെന്നാരോപിച്ച് ഭാര്യ മെഹർ കത്തിച്ച സിഗരറ്റ് ഉപയോഗിച്ച് ശരീരഭാഗങ്ങളിൽ പൊള്ളിക്കുകയായിരുന്നുവെന്നു മനൻ സെയ്ദി നൽകിയ പരാതിയിൽ പറയുന്നു. വീടിനുള്ളിലെ സിസിടിവി ദൃശ്യങ്ങൾ ഭർത്താവ് പോലീസിന് നൽകിയിട്ടുണ്ട്.
മെഹർ ജഹാൻ ഭർത്താവിനെ ശാരീരികമായി ആക്രമിക്കുന്നതും കൈകാലുകൾ കെട്ടുന്നതും നെഞ്ചിൽ ഇരുന്ന് കഴുത്ത് ഞെരിച്ച് കൊല്ലാൻ ശ്രമിക്കുന്നതും സിഗരറ്റ് ഉപയോഗിച്ച് പൊള്ളിക്കുന്നതും ദൃശ്യങ്ങളിൽ കാണാം.
