ആറ്റുകാൽ പൊങ്കാല: വളരെ താഴ്ന്ന നിരക്കിൽ കിട്ടുന്ന താമസ സൗകര്യങ്ങൾ ???

തിരുവനന്തപുരം (Thiruvananthapuram) : സ്ത്രീകളുടെ ശബരിമലയായ ആറ്റുകാൽ ഭഗവതി ക്ഷേത്ര (Attukal Bhagwati Temple) ത്തിലെ പൊങ്കാല (Ponkala) മഹോത്സവത്തിന് ഇനി അഞ്ച് നാൾ മാത്രം. ഒരു വര്‍ഷമായി കാത്തിരിക്കുന്ന ലക്ഷക്കണക്കിന് ഭക്തജനങ്ങളാകും ഫെബ്രുവരി 25ന് നടക്കുന്ന ആറ്റുകാൽ പൊങ്കാല (Attukal Ponkala) യ്ക്കായി തിരുവനന്തപുരം നഗരത്തിലേക്ക് എത്തിച്ചേരുക.

കേരളത്തിനു പുറമെ ഇതര സംസ്ഥാനങ്ങളിൽ നിന്നും വിദേശ രാജ്യങ്ങളിൽ നിന്നുമൊക്കെ നിരവധി പേർ ആറ്റുകാൽ പൊങ്കാലയിൽ പങ്കെടുക്കുന്നതിനായി ദിവസങ്ങൾക്ക് മുൻപേ തിരുവനന്തപുരത്തേക്ക് എത്തിച്ചേരാറുണ്ട്. ലക്ഷക്കണക്കിന് ആളുകൾ ഒരുമിച്ച് എത്തുന്നതുകൊണ്ടു തന്നെ താമസ സൗകര്യം വെല്ലുവിളിയാകും. സാമ്പത്തികം പ്രശ്നമല്ലാത്തവർക്ക് നിരവധി ഹോട്ടലുകൾ തിരുനവനന്തപുരം നഗരത്തിനുള്ളിലും സമീപ പ്രദേശങ്ങളിലുമായി ലഭ്യമാണ്.

എന്നാൽ ഭൂരിപക്ഷം പേരും തിരുവനന്തപുരത്തെ ബന്ധുക്കളുടെയോ പരിചയക്കാരുടെയോ വീടുകളിൽ പൊങ്കാലയുടെ തലേദിവസം തങ്ങാനുള്ള സൗകര്യം ഏർപ്പാടാക്കുകയാണ് പതിവ്. വേറെ ചിലർ കാലേകൂട്ടി സമീപ ജില്ലയായ കൊല്ലത്തെ വിവിധ പ്രദേശങ്ങളിൽ വന്നു തങ്ങിയശേഷം അതിരാവിലെ തിരുവനന്തപുരത്തേക്ക് തിരിക്കുകയും പൊങ്കാല അർപ്പിച്ചു മടങ്ങുകയും ചെയ്യാറുണ്ട്. ആരെയും പരിചയമില്ലാത്തവർ നിരത്തുകളിൽ ഏർപ്പെടുത്തുന്ന താത്കാലിക സൗകര്യങ്ങളെ ആശ്രയിക്കുകയും ചെയ്യുന്നു.

ആറ്റുകാൽ പൊങ്കാലയ്ക്കായി എത്തിച്ചേരുന്ന ഭക്തജനങ്ങൾക്ക് സന്മനസ്സുള്ള നാട്ടുകാർ നൽകുന്ന നിസ്വാർത്ഥ സേവനങ്ങൾ കാരണമാണ് താമസ സൗകര്യങ്ങളെ കുറിച്ചുള്ള അധികം പരാതികൾ ഉയരാത്തത്. അതേസമയം കാലേകൂട്ടി ബുക്ക് ചെയ്താൽ, താരതമ്യേന ചുരുങ്ങിയ ചെലവിൽ തിരുവനന്തപുരത്ത് തങ്ങുന്നതിനായി സർക്കാർ തലത്തിലുള്ള സൗകര്യങ്ങളും നഗരത്തിൽ ലഭ്യമാണ്. പ്രധാനപ്പെട്ടവ ചുവടെ ചേർക്കുന്നു.

ഷീ ലോഡ്ജ് : തിരുവനന്തപുരം കോർപറേഷന്റെ സംരംഭം, റെയിൽവേ സ്റ്റേഷന് സമീപം, ശ്രീകണ്ഠേശ്വരം. കുടുംബശ്രീ മിഷന്റെ വെബ്സൈറ്റ് മുഖേന ബുക്ക് ചെയ്യാം. ദിവസ വാടക 250 രൂപ.

എന്റെ കൂട് : വനിത ശിശു വികസന വകുപ്പിന്റെ സംരംഭം, തമ്പാനൂർ കെഎസ്ആർടിസി കെട്ടിടത്തിന്റെ എട്ടാം നിലയിൽ പ്രവർത്തിക്കുന്നു. സ്ത്രീകൾക്കും കുട്ടികൾക്കുമായുള്ള രാത്രികാല അഭയകേന്ദ്രം. ഒരേസമയം 50 പേർക്കുവരെ വിശ്രമ സൗകര്യം. ശീതികരിച്ച മുറികൾ. താമസം സൗജന്യമാണ്.

വൺഡേ ഹോം : വനിത ശിശു വികസന വകുപ്പിന്റെ സംരംഭം, തമ്പാനൂർ കെഎസ്ആർടിസി കെട്ടിടത്തിൽ പ്രവർത്തിക്കുന്നു. സ്ത്രീകൾക്കും കുട്ടികൾക്കുമായുള്ള ഏകദിന വസതി. ഡോർമിറ്ററി – 150 രൂപ. ക്യൂബിക്കിൾ – 250 രൂപ.

കേരള പോലീസിന്റെ കീഴിലുള്ള ലോഡ്ജ് : പാളയത്തെ ചന്ദ്രശേഖരന്‍ നായര്‍ സ്റ്റേഡിയത്തില്‍ പ്രവർത്തിക്കുന്നു. ശീതീകരിച്ച ഡോര്‍മിറ്ററി സൗകര്യം. പല മുറികളിലായി 84 ബെഡുകൾ. ഒരു ദിവസത്തേക്ക് ഒരു ബെഡിന് 250 രൂപയാണ് നിരക്ക്.

സർക്കാർ അതിഥി മന്ദിരം : ഗസ്റ്റ് ഹൗസ്, തൈക്കാട് : സിംഗിൾ എസി റൂമിന്റെ വാടക 700 രൂപ; ബന്ധപ്പെടാനുള്ള ഫോൺ നമ്പർ – 04712324561/2324259

പിഡബ്ല്യുഡി റെസ്റ്റ് ഹൗസുകൾ

തൈക്കാട് പിഡബ്ല്യുഡി റെസ്റ്റ് ഹൗസ് : വഴുതക്കാട് റോഡ്, പോലീസ് ട്രെയിനിങ് കോളേജിന് സമീപം, ബന്ധപ്പെടാനുള്ള ഫോൺ നമ്പർ – 04712323711
പാലോട് പിഡബ്ല്യുഡി റെസ്റ്റ് ഹൗസ് : ബന്ധപ്പെടാനുള്ള ഫോൺ നമ്പർ – 7594970452
ആര്യനാട് പിഡബ്ല്യുഡി റെസ്റ്റ് ഹൗസ് : ബന്ധപ്പെടാനുള്ള ഫോൺ നമ്പർ – 7594970451
നെയ്യാറ്റിൻകര പിഡബ്ല്യുഡി റെസ്റ്റ് ഹൗസ് : ടിബി ജംഗ്ഷൻ ഹോസ്പിറ്റൽ ജംഗ്ഷൻ റോഡ്, വഴുതൂർ – ബന്ധപ്പെടാനുള്ള ഫോൺ നമ്പർ – 7594970456
നെടുമങ്ങാട് പിഡബ്ല്യുഡി റെസ്റ്റ് ഹൗസ് : മേലാംകോട് – ബന്ധപ്പെടാനുള്ള ഫോൺ നമ്പർ – 7594970581
വിതുര പിഡബ്ല്യുഡി റെസ്റ്റ് ഹൗസ് : സംസ്ഥാനപാത 45, വിതുര, ബന്ധപ്പെടാനുള്ള ഫോൺ നമ്പർ – 7594970453
ആറ്റിങ്ങൽ പിഡബ്ല്യുഡി റെസ്റ്റ് ഹൗസ് : ദേശീയപാത 66, കൊട്ടിയോട്, കിഴക്കുപുറം – ബന്ധപ്പെടാനുള്ള ഫോൺ നമ്പർ – 7594970450
പാറശ്ശാല പിഡബ്ല്യുഡി റെസ്റ്റ് ഹൗസ് : വെള്ളറട റോഡ്, ബന്ധപ്പെടാനുള്ള ഫോൺ നമ്പർ – 7594970457
പൊൻമുടി പിഡബ്ല്യുഡി റെസ്റ്റ് ഹൗസ് : ബന്ധപ്പെടാനുള്ള ഫോൺ നമ്പർ – 7594970455.