പ്രധാനമന്ത്രിയുടെ സാന്നിധ്യം കൊണ്ട് കേരളത്തില്‍ മാത്രമല്ല ഇന്ത്യയൊട്ടാകെ ശ്രദ്ധേയമായിരിക്കുകയാണ് സുരേഷ് ഗോപിയുടെ മകളുടെ വിവാഹം. ഒരു വ്യക്തിയുടെ സ്വകാര്യ ചടങ്ങില്‍ പ്രധാനമന്ത്രിയെത്തുന്നത് ചെറിയ കാര്യമല്ല. വിവാഹത്തിനായി ഗുരുവായൂരിലെത്തുന്ന നരേന്ദ്രമോദിക്ക് സുരേഷ് ഗോപി സമ്മാനിക്കുന്നത് സ്വര്‍ണതളികയാണ്. അനുഗ്രഹീത കലാകാരന്‍ അനു അനന്തനാണ് പ്രധാനമന്ത്രിക്കായി സ്വര്‍ണതളിക പ്രത്യേകം തയ്യാറാക്കിയത്.
സ്വര്‍ണതളികയ്ക്കും പരിശോധന
സ്വര്‍ണതളിക സമ്മാനിക്കുന്ന വിവരം സുരേഷ് ഗോപി പ്രധാനമന്ത്രിയുടെ ഒാഫീസിനെ അറിയിച്ചിരുന്നു. ഇത് പ്രകാരം എസ്.പി.ജി സുരക്ഷാ സംഘവും വിദഗ്ധരും തൃശൂരിലെത്തി തളിക വിശദമായി പരിശോധിച്ച് സുരക്ഷ ഉറപ്പ് വരുത്തി.
