സംസ്ഥാനത്ത് ഗ്രെയിൻ ആൽക്കഹോളിന്റെ ഉപഭോഗം വർധിപ്പിക്കുന്നതുമായി ബന്ധപ്പെട്ട് പുതിയ എക്സൈസ് നയം നടപ്പാക്കി ഉത്തർപ്രദേശ് സർക്കാർ. രാജ്യത്ത് നിർമ്മിക്കുന്ന മദ്യത്തിന്റെ വില കുറയ്ക്കുന്നതാണ് പുതിയ തീരുമാനം. ഇതിലൂടെ സർക്കാരിന്റെ വരുമാനം വർധിക്കുമെന്നാണ് പ്രതീക്ഷിക്കുന്നത്. രാജ്യത്ത് നിർമ്മിക്കുന്ന മദ്യത്തെ മുൻപ് ഒൻപത് വിഭാഗങ്ങളിലായാണ് സംസ്ഥാനത്ത് വിറ്റിരുന്നത് എന്നാൽ ഇപ്പോൾ അത് നാല് എണ്ണം മാത്രമായി ചുരുങ്ങിയതായി എക്സൈസ് കമ്മീഷ്ണറായ സെന്തിൽ പാണ്ഡ്യൻ പറഞ്ഞു.
മൊളാസ്സസ് ആൽക്കഹോളിന് പകരം ഗ്രെയിൻ ആൾക്കഹോൾ ഉപയോഗിക്കാനാണ് ഉത്തർ പ്രദേശ സർക്കാർ നിർദ്ദേശിക്കുന്നത്. ആഗോള തലത്തിലെ അതിന്റെ ഗുണമേന്മയെ ചൂണ്ടിക്കാട്ടിയാണ് ഈ നിർദ്ദേശം. മുൻപ് പഞ്ചാബ്, ഹരിയാന തുടങ്ങിയ സംസ്ഥാനങ്ങളിൽ നിന്നുമാണ് ഉത്തർപ്രദേശിലേക്ക് ഗ്രെയിൻ ആൽക്കഹോൾ ഇറക്കുമതി ചെയ്തിരുന്നത്, പുതിയ നയം നടപ്പാക്കുന്നതിലൂടെ ഇറക്കുമതി തീരുവയും ജിഎസ്ടിയും കുറയുമെന്നാണ് പ്രതീക്ഷിക്കുന്നത്.
ആൽക്കഹോൾ ഉപയോഗം പ്രോത്സാഹിപ്പിച്ച് സർക്കാർ
Written by Taniniram Desk
Updated on:
