- Advertisement -
ആനമല റോഡിലെ ഷോളയാറിൽ ബൈക്ക് യാത്രക്കാർക്കുനേരെ കാട്ടാന പാഞ്ഞടുത്തു. ബൈക്ക് യാത്രക്കാർ ബൈക്കുകൾ റോഡിൽ ഉപേക്ഷിച്ച് ഓടിരക്ഷപ്പെട്ടു. കഴിഞ്ഞ ദിവസം ഷോളയാർ പെൻ സ്റ്റോക്ക് പൈപ്പിനടുത്തുവച്ചായിരുന്നു സംഭവം. റോഡിലെ വളവിൽ നില്ക്കുകയായിരുന്ന കാട്ടാന ബൈക്ക് യാത്രക്കാരുടെ ശ്രദ്ധയിൽപെട്ടില്ല. ആന നിന്നിരുന്ന ഭാഗത്തേക്ക് എത്തിയതോടെ കാട്ടാന ബൈക്കുകൾക്കുനേരെ പാഞ്ഞടുത്തു. ഉടനെ ബൈക്കുകൾ റോഡിൽ ഉപേക്ഷിച്ച് ബൈക്ക് യാത്രക്കാർ ഓടിരക്ഷപ്പെട്ടു.റോഡിൽ വീണുകിടന്ന ബൈക്കുകൾക്കരികിലേക്ക് കാട്ടാന ഓടിവന്നെങ്കിലും ഒരു കാർ വന്നതിനാൽ മുന്നോട്ടു പോയില്ല. എറെ നേരം റോഡിൽനിന്ന കാട്ടാന വനത്തിലേക്കു കയറിപ്പോയശേഷമാണ് യുവാക്കൾ ബൈക്കെടുത്ത് യാത്ര തുടർന്നത്.