- Advertisement -
തൃശൂര്‍ അയ്യന്തോളില്‍ ബുള്ളറ്റ് ഗോഡൗണിന് തീപ്പിടിച്ച് വന്‍ നാശനഷ്ടം. മൂന്ന് വണ്ടികള്‍ കത്തി നശിച്ചു. അയ്യന്തോള്‍ തേഞ്ചിത്തുക്കാവ് ക്ഷേത്രത്തിന് സമീപം പ്രവര്‍ത്തിക്കുന്ന ജാവ ബുള്ളറ്റ് കമ്പനിയുടെ ഗോഡൗണിനാണ് തീ പടര്‍ന്നത്. വിലകൂടിയ മൂന്ന് ബുള്ളറ്റുകള്‍ ആണ് പൂര്‍ണമായും കത്തിയമര്‍ന്നത്. ഇന്നലെ രാത്രിയിലാണ് സംഭവം.
ഷോര്‍ട്ട് സര്‍ക്ക്യൂട്ട് ആണ് തീ പിടത്തത്തിന് കാരണമെന്നാണ് പ്രാഥമിക നിഗമനം. തൃശൂര്‍ അഗ്‌നി രക്ഷാ വിഭാഗം എത്തി ഏറെ ശ്രമത്തിന് ശേഷമാണ് തീ അണച്ചത്. അവധി ദിവസം ആയിരുന്നതിനാല്‍ സ്ഥാപനം പ്രവര്‍ത്തിച്ചിരുന്നില്ല. ജീവനക്കാരും ഉണ്ടായിരുന്നില്ല. പുക ഉയരുന്നത് ശ്രദ്ധയില്‍പ്പെട്ട വഴി യാത്രക്കാരാണ് സംശയം നാട്ടുകാരോട് പറഞ്ഞ് പോലീസിനെ വിവരമറിയിച്ചത്.
